
തിരുവനന്തപുരം: ചെങ്ങന്നൂരിനും തിരുവല്ലയ്ക്കുമിടയിൽ പാലം ബലപ്പെടുത്തൽ നടക്കുന്നതിനാൽ ഈ മാസം 7, 10, 14, 17 തീയതികളിൽ വിവിധ സ്റ്റേഷനുകളിൽനിന്നു പുറപ്പെടുന്ന പാസഞ്ചർ ട്രെയിനുകൾ റദ്ദാക്കി.
ഈ ദിവസങ്ങളിൽ കൊല്ലത്തുനിന്നു രാവിലെ 8.35 നു പുറപ്പെടുന്ന കൊല്ലം- കോട്ടയം പാസഞ്ചർ, വൈകുന്നേരം 5.30 നു പുറപ്പെടുന്ന കോട്ടയം- കൊല്ലം പാസഞ്ചർ, എറണാകുളത്തുനിന്ന് 10.05ന് പുറപ്പെടുന്ന എറണാകുളം- കായംകുളം പാസഞ്ചർ, ഉച്ചയ്ക്ക് 1.10ന് പുറപ്പെടുന്ന കായംകുളം- എറണാകുളം ജംഗ്ഷൻ പാസഞ്ചർ ട്രെയിനുകൾ റദ്ദാക്കിയതായി റെയിൽവേ പത്രക്കുറിപ്പിൽ അറിയിച്ചു.
കൊല്ലത്തുനിന്ന് രാവിലെ 11.10-ന് പുറപ്പെടുന്ന കൊല്ലം- എറണാകുളം മെമുവും (കോട്ടയം വഴി) എറണാകുളത്തുനിന്ന് രാത്രി 7.40-ന് പുറപ്പെടുന്ന എറണാകുളം-കൊല്ലം (ആലപ്പുഴ വഴി) മെമുവും 14നും 17നും റദ്ദാക്കി.
കന്യാകുമാരി -മുംബൈ, തിരുവനന്തപുരം- ന്യൂഡൽഹി കേരള എക്സ്പ്രസും 7, 10, 14, 17 തീയതികളിൽ ആലപ്പുഴ വഴി തിരിച്ചുവിടും. കന്യാകുമാരി-കഐസ്ആർ ബംഗളൂരു ഐലൻഡ് എക്സ്പ്രസ് 7, 10, 14, 17 തീയതികളിൽ അരമണിക്കൂർ ചെങ്ങന്നൂരിൽ പിടിച്ചിടും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam