മുഖ്യമന്ത്രിക്കെതിരെ പ്രതിഷേധവുമായി മത്സ്യത്തൊഴിലാളി കോണ്‍ഗ്രസ്

തിരുവനന്തപുരം: ഓഖി ഫണ്ട് ദുരുപയോഗം ചെയ്ത മുഖ്യമന്ത്രി രാജിവയ്ക്കണമെന്ന് അഖിലേന്ത്യ മത്സ്യതൊഴിലാളി കോൺഗ്രസ്. മുഖ്യമന്ത്രി രാജിവയ്ക്കും വരെ ജില്ലകൾ തോറും പ്രതിഷേധം തുടരുമെന്നും മത്സ്യത്തൊഴിലാളി കോണ്‍ഗ്രസ്.

ഓഖി ധനസഹായം 25 ലക്ഷം രൂപയായി ഉയർത്തണമെന്നും അവര്‍ ആവശ്യപ്പെട്ടു. സിപിഎം തൃശൂര്‍ ജില്ലാസമ്മേളനത്തില്‍ പങ്കെടുക്കുന്നതിനിടയില്‍ കേന്ദ്രസംഘത്തെ കണ്ട് മടങ്ങാന്‍ പ്രൈവറ്റ് ഹെലികോപ്ടര്‍ ഉപയോഗിച്ചതാണ് ആരോപണമുയരാന്‍ കാരണമായത്. ഇതിനാവശ്യമായ എട്ട് ലക്ഷം രൂപ ഓഖി ഫണ്ടില്‍ നിന്ന് വകയിരുത്തിയിരുന്നു. എന്നാല്‍ സംഭവം വാര്‍ത്തയായതോടെ മുഖ്യമന്ത്രി തന്നെ ഇടപെട്ട് ഇത് പൊതുഫണ്ടില്‍ നിന്നാക്കി മാറ്റുകയായിരുന്നു.