പരിശീലകന് സിപിആര്‍ കൊടുക്കുന്ന നായ; ഹൃദയസ്പര്‍ശിയായ വീഡിയോ

താരമായി 'ഓഫീസര്‍ പോഞ്ചോ' 2 മില്ല്യണ്‍ പേര്‍ കണ്ട വീഡിയോ

മാഡ്രിഡ്:  പരിശീലന സമയത്ത് ബോധരഹിതനായി നിലം പതിക്കുന്നതായി കാണിക്കുന്ന പരിശീലകനു നേരെ ഓടിയെത്തുന്ന പോഞ്ചോ എന്ന പൊലീസ് നായ. തുടര്‍ന്ന് പരിശീലകന് സിപിആര്‍ കൊടുക്കുന്നു. ഇടയ്ക്ക് സ്‌നേഹത്തോടെ കഴുത്തില്‍ കെട്ടിപ്പിടിച്ച് കിടക്കുന്നു. മാഡ്രിഡ് മുനിസിപ്പല്‍ പൊലീസ് ട്വീറ്റ് ചെയ്ത ഈ ദൃശ്യം ഇതിനോടകം 2 മില്ല്യണ്‍ പ്രേക്ഷകരെ കീഴടക്കി. 11,700 തവണയോളം റീട്വീറ്റ് ചെയ്യപ്പെട്ടു.

ദൃശ്യം വൈറലായതോടെ ഓഫീസര്‍ പോഞ്ചോ താരമായിരിക്കുകയാണ്. ജോണ്‍ ബില്ലിംഗ്‌സിന്റെ ഒരു വാചകത്തോടെയാണ് മാഡ്രിഡിന്റെ ട്വീറ്റ് അവസാനിക്കുന്നത്- 'ലോകത്ത് നിങ്ങളെക്കാള്‍ കൂടുതല്‍ നിങ്ങളെ സ്‌നേഹിക്കുന്ന ഒരു ജീവിയുണ്ടെങ്കില്‍ അത് നായയാണ്'