സൈന്യത്തിനെതിരെ പ്രസംഗിച്ചതിന് പാകിസ്ഥാന് പ്രധാനമന്ത്രിക്കെതിരെ കേസ്
Synopsis
ഇസ്ലാമാബാദ്: സൈന്യത്തിനെതിരെ വിദ്വേഷം പടര്ത്തുന്ന തരത്തില് സംസാരിച്ചെന്നും ജനങ്ങളെ പ്രകോപിപ്പിച്ചെന്നും ആരോപിച്ച് പാകിസ്ഥാന് പ്രധാനമന്ത്രി നവാസ് ശരീഫിനെതിരെ പൊലീസ് കേസെടുത്തു. ഇഷ്തിയാഖ് അഹമ്മദ് മിര്സ എന്നയാള് നല്കിയ പരാതി അടിസ്ഥാനമാക്കിയാണ് റാവല്പിണ്ടി പൊലീസ് കേസെടുത്തിരിക്കുന്നത്. സൈന്യത്തെക്കുറിച്ച് ജനങ്ങള്ക്കിടയില് അവമതിപ്പുണ്ടാക്കുന്ന തരത്തിലുള്ള ഒരു പ്രസംഗത്തിന്റെ സി.ഡി തനിക്ക് ലഭിച്ചെന്നും പരിശോധനയില് പ്രാസംഗികന് നവാസ് ശരീഫാണെന്ന് മനസിലായെന്നുമാണ് പരാതിയില് പറഞ്ഞിരിക്കുന്നത്. തുടര്ന്ന് പൊലീസ് കേസ് രജിസ്റ്റര് ചെയ്യുകയായിരുന്നു. പാകിസ്ഥാന് രാഷ്ട്രീയത്തില് സൈന്യത്തിന് നിര്ണ്ണായക സ്വാധീനമാണുള്ളത്. രാജ്യത്തിന്റെ 70 വര്ഷത്തോളമുള്ള ചരിത്രത്തില് 33 വര്ഷം ഭരിച്ചതും സൈന്യം തന്നെയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam