വാഹന നികുതുവെട്ടിപ്പ്; സുരേഷ് ഗോപി എംപി മുന്കൂര് ജാമ്യാപേക്ഷ നല്കി
Synopsis
കൊച്ചി: വാഹന നികുതുവെട്ടിപ്പ് കേസില് സുരേഷ് ഗോപി എംപി ഹൈക്കോടതിയില് മുന് കൂര് ജാമ്യാപേക്ഷ നല്കി. ഹര്ജി ഉച്ച തിരിഞ്ഞ് ഹൈക്കോടതി പരിഗണിക്കും.ആഡംബര കാര് പോണ്ടിച്ചേരിയില് രജിസ്ട്രര് ചെയ്ത് കേരളത്തില് നികുതി വെട്ടിച്ചുവെന്നാരോപിച്ച് ക്രൈംബ്രാഞ്ചാണ് സുരേഷ് ഗോപിക്കെതിരെ കേസ് എടുത്തത്.
പുതുച്ചേരിയില് വാഹനം രജിസ്റ്റര് ചെയ്ത് നികുതി വെട്ടിപ്പ് നടത്തിയ കേസില് സുരേഷ് ഗോപി എംപിക്കെതിരായ എഫ്ഐആര് ക്രൈംബ്രാഞ്ച് സമര്പ്പിച്ചിരുന്നു. സുരേഷ് ഗോപി വാഹന രജിസ്ട്രേഷനായി വ്യാജ രേഖ ചമച്ച് നികുതി വെട്ടിച്ചുവെന്നാണ് കേസ്. വിഷയത്തില് വിശദമായ അന്വേഷണം വേണമെന്നും ക്രൈംബ്രാഞ്ച് അറിയിച്ചു. പുതുച്ചേരിയില് വാഹനങ്ങള് രജിസ്റ്റര് ചെയ്ത സുരേഷ് ഗോപിയോട് രേഖകള് ഹാജരാക്കാന് ക്രൈംബ്രാഞ്ച് നിര്ദേശം നല്കിയിരുന്നു. ഈ രേഖകള് കൃത്രിമം ആണെന്നാണ് ക്രൈബ്രാഞ്ചിന്റെ കണ്ടെത്തല്.
അന്വേഷണത്തില് 2010ല് രജിസ്റ്റര് ചെയ്ത വാഹനത്തിന്റെ പേരില് നല്കിയത് 2014ലെ വാടകച്ചീട്ട് ആണെന്ന് തെളിഞ്ഞു. എന്നാല് വാടകചീട്ടിന്റെ യഥാര്ഥ മുദ്രപത്രം ഹാജരാക്കന് ആവശ്യപ്പെട്ടെങ്കിലും ഹാജരാക്കിയിരുന്നില്ല. മാത്രമല്ല വ്യാജരേഖ ചമച്ചാണ് വാഹനം രജിസ്റ്റര് ചെയ്തെന്നും അന്വേഷണത്തില് കണ്ടെത്തി. തുടര്ന്ന് നടത്തിയ അന്വേഷണത്തില് തട്ടിപ്പ് കണ്ടെത്തിയതിനെത്തുടര്ന്നാണ് സുരേഷ് ഗോപിക്കെതിരെ ജാമ്യമില്ലാ വകുപ്പില് കേസെടുത്ത് അന്വേഷണം നടത്തിയത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam