എല്.ഡി ക്ലര്ക്ക് പരീക്ഷയിലെ പിഴവില് നടപടിയെടുക്കാന് പി.എസ്.സി തീരുമാനം
Synopsis
തിരുവനന്തപുരം: അടുത്തിടെ കഴിഞ്ഞ എല്.ഡി ക്ലര്ക്ക് പരീക്ഷയുടെ ചോദ്യപേപ്പറിലുണ്ടായ പിഴവില് നടപടി എടുക്കാന് പി.എസ്.സി തീരുമാനം. ചോദ്യപേപ്പറുകള് തയ്യാറാക്കിയ അധ്യാപര്ക്കെതിരായാണ് നടപടിയെടുക്കുന്നത്. പി.എസ്.സി പരീക്ഷകള്ക്കായി ചോദ്യങ്ങള് തയ്യാറാകുന്ന സമിതിയില് നിന്നും ഈ അധ്യാപകരെ ഒഴിവാക്കുമെന്ന് ചെയര്മാന് എം.കെ സക്കീര് അറിയിച്ചു. സംഭവത്തെ കുറിച്ച് പി.എസ്.സി വിശദമായി അന്വേഷിക്കും.
പാലക്കാട്, പത്തനംതിട്ട ജില്ലകളിലെ ചോദ്യപേപ്പറിലാണ് പിശകുണ്ടായത്. കഴിഞ്ഞ അഞ്ചാം തിയ്യതിയാണ് ഈ ജില്ലകളിലേക്കുള്ള എല്ഡിസി പരീക്ഷ നടന്നത്. സിലബസ് അടിസ്ഥാനത്തില് നടത്തിയ പരീക്ഷയില് 30ലധികം ചോദ്യങ്ങള് സിലബസിന് പുറത്ത് നിന്ന് ചോദിച്ചു എന്നാണ് ആക്ഷേപം. ലോക ചരിത്രം സിലബസില് ഇല്ലെന്നിരിക്കേ 30 ശതമാനം ചോദ്യങ്ങളും വന്നത് ഈ വിഭാഗത്തില് നിന്നാണ്. ഇത് വരെ പരീക്ഷ നടന്ന 12 ജില്ലകളില് പാലക്കാടും പത്തനംതിട്ടയുമൊഴികെയുള്ള 10 ജില്ലകളിലും സിലബസിലുള്ള ചോദ്യങ്ങളാണ് പരീക്ഷയ്ക്ക് വന്നത്. ചോദ്യപ്പേപ്പര് മാറിയതാകാനും സാധ്യതയുണ്ടെന്ന് ഉദ്യോഗാര്ത്ഥികള് ആരോപിക്കുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam