രാജേഷിന്‍റെ കൊലപാതകം: പ്രതികളെ കായംകുളത്ത്​ എത്തിച്ച്​ തെളിവെടുത്തു

റേഡിയോ ജോക്കി രാജേഷിനെ കൊലപ്പെടുത്തിയ കേസിലെ പ്രതികളെ കായംകുളത്ത്​ എത്തിച്ച്​ തെളിവെടുത്തു. 

ആലപ്പുഴ: റേഡിയോ ജോക്കി രാജേഷിനെ കൊലപ്പെടുത്തിയ കേസിലെ പ്രതികളെ കായംകുളത്ത്​ എത്തിച്ച്​ തെളിവെടുത്തു. മടവൂർ സ്വദേശി രാജേഷിനെ കൊലപ്പെടുത്തിയ കേസിലെ പ്രതികളായ രണ്ടാംകുറ്റി ദേശത്തിനകം കളത്തിൽ അപ്പുണ്ണി (37), ഓച്ചിറ സ്വദേശി അലിഭായ്​ എന്ന മുഹമ്മദ്​ സാലിഹ്​ (26), കരുനാഗപ്പള്ളി കുലശേഖരപുരം കൊച്ചയ്യത്ത്​ തെക്കതിൽ തൻസീർ (24) എന്നിവരെയാണ്​ കൃഷ്​ണപുരം, ദേശത്തിനകം എന്നിവിടങ്ങളിൽ എത്തിച്ച്​ തെളിവെടുപ്പ്​ നടത്തിയത്​. 

കൊലയ്ക്ക്​ ഉപയോഗിച്ച​ കാറിൽ ഒട്ടിക്കാനായി ഫോർ രജിസ്​​ട്രേഷൻ സ്​റ്റിക്കർ അടിച്ച കൃഷ്​ണപുരത്തെ സ്​ഥാപനം, അപ്പുണ്ണിയുടെ വീട്​ എന്നിവിടങ്ങളിലാണ്​ തെളിവ്​ എടുത്തത്​. അപ്പുണ്ണിയുടെ വീട്ടിൽ നിന്നും സംഭവ സമയത്ത്​ ഉപയോഗിച്ച വസ്​ത്രങ്ങളും ചെരുപ്പും കണ്ടെടുത്തു. 

അപ്പുണ്ണിയുടെ മാതാവിനെയും പൊലീസ്​ ചോദ്യം ചെയ്​തു. ആറ്റിങ്ങൽ സി.​ഐ. എം. അനിൽകുമാർ, കിളിമാനൂർ സി.​െഎ. വി.എസ്​. പ്രദീപ്​കുമാർ, പള്ളിക്കൽ എസ്​.​െഎ സലിം എന്നിവരുടെ നേതൃത്വത്തിലുള്ള അന്വേഷണ സംഘമാണ്​ തെളിവെടുപ്പിന്   നേതൃത്വം  നൽകിയത്​.