അറുപത്തിയഞ്ചുകാരിയെ പീഡിപ്പിച്ചതിന് മൂന്നുപേര്‍ക്കെതിരെ കേസ്

പത്തനംതിട്ട: അടൂര്‍ പുതുവല്‍ സ്വദേശിയായ 65കാരിയെ പീഡിപ്പിച്ചെന്ന പരാതിയില്‍ മൂന്നു പേര്‍ക്കെതിരെ അടൂര്‍ പൊലീസ് കേസെടുത്തു. 15ന് രാത്രി ഒന്നിനാണ് സംഭവം. ഇവര്‍ കിടന്നുറങ്ങുമ്പോള്‍ വീടിനുള്ളില്‍ കടന്നുകയറിയ മൂവര്‍ സംഘം ഇവരെ പുറത്തേക്ക് പിടിച്ചിറക്കി ശാരീരികമായി ഉപദ്രവിക്കുകയും പീഡിപ്പിക്കുകയുമായിരുന്നുവെന്നാണ് പരാതി. പരിക്കേറ്റ ഇവരെ അടൂര്‍ ജനറല്‍ ആശുപത്രിയില്‍ പ്രവേശിപ്പിച്ചു. പ്രതികള്‍ ആരാണെന്നു വ്യക്തമല്ലെന്ന് പൊലീസ് പറഞ്ഞു. പ്രതികളെക്കുറിച്ച് അന്വേഷണം തുടരുകയാണ്. ചില സൂചനകള്‍ ലഭിച്ചതായി പൊലീസ് വൃത്തങ്ങള്‍ പറഞ്ഞു.