ശബരിമലയില് റെക്കോര്ഡ് വരുമാനം;25 ദിവസം കൊണ്ട് 101 കോടി രൂപ
Synopsis
പമ്പ: ശബരിമലയില് ഇത്തവണ റെക്കോഡ് നടവരവ്. മണ്ഡല മകരവിളക്ക് ഉത്സവകാലം തുടങ്ങി ഇരുപത്തിയഞ്ച് ദിവസം പിന്നിടുമ്പോള് ശബരിമല നടവരവ് 1,01,8,84925 രൂപയാണ്. കഴിഞ്ഞ വര്ഷം ഇതേ കാലയളവില് 86 കോടിക്കടുത്തായിരുന്നു നടവരവ്.
അരവണ വില്പ്പനയില് നിന്നാണ് ഏറ്റവും കൂടുതല് വരുമാനമുണ്ടായത്. നാല്പ്പത്തിനാല് കോടിയിലേറെ രൂപ. കഴിഞ്ഞ വര്ഷത്തേക്കാള് 7 കോടി രൂപയുടെ വര്ധന അരവണ വില്പ്പനയിലുണ്ടായി. കാണിക്ക ഇനത്തില് നിന്ന് ഇത്തവണ ലഭിച്ചത് 35 കോടിയിലേറെ. കഴിഞ്ഞ തവണ ഇത് 27 കോടി രൂപയായിരുന്നു.
അര്ച്ചനയടക്കം മറ്റ് വഴിപാട് ഇനത്തിലും വരുമാനം കൂടി. അരവണ നിര്മ്മാണത്തില് നിലവില് പ്രതിസന്ധിളൊന്നുമില്ലെന്നാണ് ദേവസ്വം ബോര്ഡിന്റെ വിലയിരുത്തല്.പമ്പയില്നിന്ന് ശര്ക്കര കൊണ്ടുവരുന്നതില് ട്രാക്ടറുകള്ക്ക് ഏര്പ്പെടുത്തിയ നിയന്ത്രണങ്ങള് നീക്കണമെന്ന് ആവശ്യപ്പെട്ട് ദേവസ്വം ബോര്ഡ് ഹൈക്കോടതിയെ സമീപിച്ചിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam