ശശി തരൂരിന്‍റെ മുന്‍കൂര്‍ ജാമ്യാപേക്ഷ ഇന്ന് പരിഗണിക്കും

ശശിതരൂരിന്‍റെ ജാമ്യാപേക്ഷ ഇന്ന് കോടതിയില്‍

ദില്ലി: സുനന്ദ പുഷ്കർ ആത്മഹത്യ കേസിൽ ശശി തരൂർ നൽകിയ മുൻകൂർ ജാമ്യാപേക്ഷ അഡീഷണർ സ്പെഷ്യൽ ജഡ്ജ് ഇന്ന് പരിഗണിക്കും. പ്രോസിക്യൂഷൻ തരൂരിന്‍റെ അപേക്ഷയിലുളള മറുപടിയും അറിയിക്കും. 

ഏഴാം തീയതി ഹാജരാകാൻ ദില്ലി അഡീഷണൽ ചീഫ് മെട്രോ പൊളിറ്റൻ മജിസ്ട്രേറ്റ് കോടതി  ആവശ്യപ്പെട്ടിരിക്കെയാണ് തരൂരിന്‍റെ പുതിയ നീക്കം. അന്വേഷണം പൂര്‍ത്തിയാക്കി കുറ്റപത്രം സമര്‍പ്പിച്ചിരിക്കുന്നതിനാൽ ജാമ്യം അനുവദിക്കണമെന്നാണ് തരൂരിന്‍റെ ആവശ്യം.

 ആത്മഹത്യ പ്രേരണ, ഗാർഹിക പീഡനം എന്നിവയാണ് ശശി തരൂരിനെതിരായി ദില്ലി പൊലീസ് ചുമത്തിയിരിക്കുന്ന കുറ്റങ്ങള്‍. അതേ സമയം കോണ്‍ഗ്രസ് ശശി തരൂരിന് പൂര്‍ണ പിന്തുണ പ്രഖ്യാപിച്ചിട്ടുണ്ട്.