അധ്യാപികയെ മുന് ഭര്ത്താവും സുഹൃത്തുക്കളും കൂട്ടബലാത്സംഘം ചെയ്തു
Synopsis
മഥുര: അധ്യാപികയെ മുന് ഭര്ത്താവും സുഹൃത്തുക്കളും ചേര്ന്ന് ഓടുന്ന കാറില് കൂട്ടബലാത്സംഘത്തിനിരയാക്കി. ഉത്തര്പ്രദേശിലെ മഥുര ജില്ലയിലായിരുന്നു സംഭവം. കഴിഞ്ഞ 25 ന് അല്ഹായ്പുര്-ഗോണ്ഗ റോഡില് റയ പോലീസ് സ്റ്റേഷന് പരിധിയിലായിരുന്നു പീഡനം നടന്നത്. സ്കൂളില്നിന്ന് വൈകുന്നേരം വീട്ടിലേക്ക് മടങ്ങുകയായിരുന്ന അധ്യാപികയെ തട്ടിക്കൊണ്ടുപോയാണ് പീഡിപ്പിച്ചത്.
മഥുര സ്വദേശിയായ മുന് ഭര്ത്താവും മൂന്ന് സുഹൃത്തുക്കളും ചേര്ന്നാണ് മാനഭംഗപ്പെടുത്തിയത്. സംഭവുമായി ബന്ധപ്പെട്ട് യുവതിയുടെ മുന്ഭര്ത്താവും ഒരു സുഹൃത്തും അറസ്റ്റിലായിട്ടുണ്ട്. തന്റെ വിവാഹം നടന്നത് 2014 ല് ആണെന്ന് അധ്യാപിക പറയുന്നു. സ്ത്രീധനം ചോദിച്ചുള്ള പീഡനത്തെ തുടര്ന്ന് 2016 ല് വിവാഹ മോചിതയായെന്നും ഇവര് പോലീസിനു നല്കിയ മൊഴിയില് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam