കാലിക്കറ്റ് യു.സിറ്റി ഡി.എസ്.യു. തെരഞ്ഞെടുപ്പില് എസ്.എഫ്.ഐക്ക് സമ്പൂര്ണ വിജയം
Synopsis
തേഞ്ഞിപ്പലം: കാലിക്കറ്റ് യൂണിവേഴ്സിറ്റി ക്യാമ്പസ് ഡിഎസ്യു(ഡിപ്പാര്ട്ട്മെന്റല് സ്റ്റുഡന്റ്സ് യൂണിയന്) തെരഞ്ഞടുപ്പില് എസ്.എഫ്.ഐക്ക് സമ്പൂര്ണ്ണവിജയം. 82ശതമാനം പോളിംഗ് രേഖപ്പെടുത്തിയ തെരഞ്ഞെടുപ്പില് മത്സരിച്ച മുഴുവന് സിറ്റിലും എസ്എഫ്ഐ സ്ഥാനാര്ത്ഥികള് ജയിച്ചു.
എംഎസ്എഫ്, കെഎസ്യു, എബിവിപി, ഫ്രറ്റേണിററി തുടങ്ങിയ സംഘടനകളൊക്കെ മത്സരരംഗത്തുണ്ടായിരുന്നെങ്കിലും വിജയം കണ്ടെത്താനായില്ല. ചെയര്മാന് സ്ഥാനത്തേക്കടക്കം ആകെയുള്ള ഒന്പത് സീറ്റില് നാലിലും പെണ്കുട്ടികളാണ് ഇത്തവണ എസ്.എഫ്.ഐക്ക് വേണ്ടി മത്സരിച്ചത്.
ചെയര്പേഴ്സണായി രമ്യ കെ.ആര്, വൈസ് ചെയര്പേഴ്സണായി ഹരിത വി, ജനറല് സെക്രട്ടറിയായി ഷനൂബേ എം, ജോയിന്റ് സെക്രട്ടറിയായി സരിത കെ പി, എഡിറ്റര് സ്ഥാനത്തേക്ക് ഡോണറ്റ് കെ ജോണ്, ഫൈന് ആര്ട്സ് സെക്രട്ടറിയായി കൃഷ്ണപ്രസാദ് പി കെ, ജനറല് ക്യാപ്റ്റനായി ലിന്റോ ദേവരാജ്, യു.യു.സിമാരായി ലിന്റോ തോമസ്, തസ്നി കെ തുടങ്ങിയവര് തെരഞ്ഞെടുക്കപ്പെട്ടു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam