എസ്എസ്എല്‍സി ഫല പ്രഖ്യാപനം ഇന്ന്; ഫലം കാത്ത് 4.41 ലക്ഷം കുട്ടികള്‍

തിരുവനന്തപുരം: എസ്എസ്എല്‍സി പരീക്ഷാ ഫലം ഇന്ന് പ്രഖ്യാപിക്കും. ഫലപ്രഖ്യാപനത്തിനായി കാത്തിരിക്കുന്നത് നാല് ലക്ഷത്തിലധികം വിദ്യാര്‍ത്ഥികളാണ്. സംസ്ഥാനത്ത് 4.41 ലക്ഷം കുട്ടികളാണ് ഇക്കുറി എസ്.എസ്.എല്‍.സി പരീക്ഷ എഴുതിയത്.  രാവിലെ 10.30ന് വിദ്യാഭ്യാസമന്ത്രി സി.രവീന്ദ്രനാഥ് ഫല പ്രഖ്യാപനം നടത്തും.

പരീക്ഷ ബോര്‍ഡ് യോഗം ചേര്‍ന്ന് ഫലപ്രഖ്യാപനം വിലയിരുത്തിയിരുന്നു. http:/keralapareekshabhavan.in, http:/results.kerala.nic.in, keralaresults.nic.in, www.kerala.gov.in, www.prd.kerala.gov.in, http:/results.itschool.gov.in എന്നീ വെബ്‌സൈറ്റുകളിലൂടെയും തത്സമയം ഫലമറിയാം. പിആര്‍ഡിയുടെ മൊബൈല്‍ ആപ്പിലൂടെയും ഫലം ലഭ്യമാകും.  

ടിഎച്ച്എസ്എൽസി, എഎച്ച്എസ്എൽസി, ഫലപ്രഖ്യാപനവും ഇന്ന് തന്നെയാണ്. കഴിഞ്ഞ വര്‍ഷം സംസ്ഥാനത്തെ വിജയശതമാനം 95.98 ആയിരുന്നു.