കെഎസ്ആര്ടിബസ് സ്റ്റാന്റ് കീഴടക്കി തെരുവ് നായ്ക്കള്; മെക്കാനിക്കിന്റെ ഇരുകാലിനും കടിയേറ്റു
Synopsis
ഇരുകാലുകളിലും ആഴത്തില് മുറിവേറ്റ ദിലീപിനെ താലൂക്കാശുപത്രിയിലും തുടര്ന്ന് ആലപ്പുഴ മെഡിക്കല് കോളേജിലും പ്രവേശിപ്പിച്ചു.
കായംകുളം: കെ എസ് ആര് ടി ബസ് സ്റ്റാന്റില് തെരുവ് നായ ശല്യം രൂക്ഷം. നായയുടെ കടിയേറ്റ് കെ എസ് ആര് ടി സി മെക്കാനിക്കിന് ഗുരുതരമായി പരിക്കേറ്റു. ഇന്ന് ഉച്ചയോടെയാണ് സംഭവം. പെരിങ്ങാല ദീപാലയത്തില് ബി ദിലീപിനാണ് സ്റ്റാന്ഡില് വെച്ച് കടിയേറ്റത്. ഇരുകാലുകളിലും ആഴത്തില് മുറിവേറ്റ ദിലീപിനെ താലൂക്കാശുപത്രിയിലും തുടര്ന്ന് ആലപ്പുഴ മെഡിക്കല് കോളേജിലും പ്രവേശിപ്പിച്ചു.
കഴിഞ്ഞ രണ്ട് ദിവസങ്ങളിലായി രണ്ട് യാത്രക്കാര്ക്ക് നായയുടെ കടിയേറ്റിരുന്നു. രണ്ട് മാസങ്ങള്ക്ക് മുന്പ് മറ്റൊരു മെക്കാനിക്കല് ജീവനക്കാരനും കടിയേറ്റിരുന്നു. തെരുവുനായ്കള് ജീവനക്കാര്ക്കും യാത്രക്കാര്ക്കും ഭീഷണിയായി മറി. നഗരസഭ അധികൃതര്ക്ക് പരാതി നല്കിയെങ്കിലും യാതൊരു നടപടിയും ഉണ്ടായില്ലെന്ന് കെ എസ് ആര്. ടി സി ഉദ്യോഗസ്ഥര് പറഞ്ഞു. മൂത്രപ്പുരക്ക് സമീപം കൂട്ടത്തോടെയാണ് നായകളുടെ താവളം.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam