സുപ്രീം കോടതി, ഹൈക്കോടതി ജഡ്ജിമാരുടെ ശമ്പളം 200 ശതമാനത്തിലധികം കൂട്ടി

ന്യൂ​ഡ​ൽ​ഹി: രാജ്യത്തെ ഹൈക്കോടതികളിലെയും സു​പ്രീം കോ​ട​തിയിലെയും ജഡ്ജിമാരുടെ ശമ്പളം കുത്തനെ കൂട്ടി. നേരത്തെ പാര്‍ലമെന്റ് പാ​സാ​ക്കി​യ ബി​ല്ലി​ന് രാ​ഷ്ട്ര​പ​തി രാം​നാ​ഥ് കോ​വി​ന്ദ് ഇന്ന് അം​ഗീ​കാ​രം ന​ൽ​കി. ഏ​ഴാം ശ​ന്പ​ള ക​മ്മി​ഷ​ന്‍റെ ശി​പാ​ർ​ശ​യു​ടെ അ​ടി​സ്ഥാ​ന​ത്തി​ലാ​ണ് കേ​ന്ദ്ര​സ​ർ​ക്കാ​ർ ശമ്പള പരിഷ്കരണ ബി​ൽ അ​വ​ത​രി​പ്പി​ച്ച​തും രാ​ഷ്ട്ര​പ​തി അം​ഗീ​കാ​രം ന​ൽ​കി​യ​തും.

സു​പ്രീം കോ​ട​തി ചീ​ഫ് ജ​സ്റ്റീ​സി​ന്റെ ശമ്പളം ഒരു ലക്ഷത്തില്‍ നിന്ന് 2.80 ല​ക്ഷം രൂ​പ​യാ​ക്കിയാണ് വര്‍ദ്ധിപ്പിച്ചത്. കൂ​ടാ​തെ, സു​പ്രീം കോ​ട​തി​യി​ലെ മറ്റ് ജ​ഡ്ജി​മാ​രു​ടെ​യും ഹൈ​ക്കോ​ട​തി ചീ​ഫ് ജ​സ്റ്റിസു​മാ​രു​ടെ​യും പ്ര​തി​മാ​സ വേ​ത​നം 2.50 ല​ക്ഷ​മാ​യി ഉ​യ​ർ​ത്തി​യി​ട്ടു​ണ്ട്. നേരത്തെ ഇത് 90,000 രൂ​പ​യായിരുന്നു. 80,000 രൂപയായിരുന്ന ഹൈക്കോടതി ജഡ്ജിമാരുടെ ശമ്പളം 2.25 ലക്ഷമാക്കി ഉയര്‍ത്തിയിട്ടുണ്ട്. ശ​ന്പ​ള​ത്തി​നു പു​റ​മേ ജ​ഡ്ജി​മാ​ർ​ക്ക് മ​റ്റ് ആ​നു​കൂ​ല്യ​ങ്ങ​ളും ല​ഭി​ക്കുമെന്ന് നിയമമന്ത്രാലയത്തിന്റെ ഉത്തരവില്‍ പറയുന്നു. 2016 ജ​നു​വ​രി ഒ​ന്നു​മു​ത​ൽ മു​ൻ​കാ​ല പ്രാ​ബ​ല്യ​ത്തോടെയാണ് ശമ്പള വര്‍ദ്ധനവ്.