സുനന്ദ പുഷ്കര്‍ കേസ്; ദില്ലി പൊലീസിന് സുപ്രീം കോടതി നോട്ടീസ് അയച്ചു

ദില്ലി: സുനന്ദ പുഷ്കർ കേസിൽ പ്രത്യേകസംഘം അന്വേഷണം നടത്തണമെന്നാവശ്യപ്പെട്ട് ബിജെപി നേതാവ് സുബ്രഹ്മണ്യന്‍ സ്വാമി നല്‍കിയ ഹർജിയിൽ സുപ്രീംകോടതി ദില്ലി പൊലീസിന് നോട്ടീസയച്ചു. പൊലീസ് അന്വേഷണം തൃപ്തികരമല്ലെന്നണ് സ്വാമിയുടെ വാദം. ഈ ആവശ്യം നേരത്തെ ദില്ലി ഹൈക്കോടതി തള്ളിയതിനെ തുടർന്നാണ് സുപ്രീംകോടതിയെ സമീപിച്ചത്.  കേസുമായി നേരിട്ട് ബന്ധമില്ലാത്ത സുബ്രഹ്മണ്യം സ്വാമിക്ക് ഹർജി നൽകാൻ നിയമപരമായ അധികാരം ഉണ്ടോയെന്ന് പിന്നീട് തീരുമാനിക്കുമെന്ന് ജസ്റ്റിസ് അരുൺ മിശ്രയയുടെ നേതൃത്വത്തിലുള്ള ബെഞ്ച് പറഞ്ഞു.