കശ്മീരില് തുടര്ച്ചയായ മൂന്നാം ദിവസവും ഭീകരാക്രമണം; സുജ്വാനില് ഒരു സൈനികന് കൂടി കൊല്ലപ്പെട്ടു
Synopsis
ശ്രീനഗര്: കശ്മീര് തുടര്ച്ചയായ മൂന്നാം ദിവസവും ഭീകരാക്രമണം. റായ്പൂരിലെ ദൊമാനയിലാണ് സൈനിക പോസ്റ്റിന് നേരെ ഭീകരര് ആക്രമണം നടത്തിയത്. ഇവിടെ ഭീകരരും സൈന്യവും തമ്മിലുള്ള ഏറ്റമുട്ടല് തുടരുകയാണ്. അതേസമയം സുജ്വാനിലെ സൈനിക ക്യാമ്പില് മൂന്ന് ദിവസങ്ങള്ക്ക് മുന്പ് നടന്ന ഭീകരാക്രമണത്തില് ഒരു സൈനികന് കൂടി കൊല്ലപ്പെട്ടു. സൈനിക ക്വാര്ട്ടേഴ്സില് ഭീകരര് മൈനുകളോ മറ്റോ ഒളിപ്പിച്ചിട്ടിട്ടുണ്ടോ എന്ന് കണ്ടെത്താനായി തെരച്ചില് നടത്തുന്നതിനിടെയാണ് സൈനികന്റെ മുതദേഹം കണ്ടത്. ഇതോടെ സുജ്വാന് ഭീകരാക്രമണത്തില് കൊല്ലപ്പെട്ട സൈനികരുടെ എണ്ണം ആറായി. ശ്രീനഗറിലെ കരണ് നഗറിലുള്ള സിആര്പിഎഫ് ക്യാമ്പിലേക്ക് നുഴഞ്ഞുകയറാന് ശ്രമിച്ച ഭീകരരുമായി സൈന്യം നടത്തുന്ന ഏറ്റുമുട്ടല് രണ്ടാം ദിവസവും തുടരുകയാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam