സ്വാമിയുടെ ജനനേന്ദ്രിയം മുറിച്ച സംഭവം; യുവതിയുടെ വെളിപ്പെടുത്തല്‍

തിരുവനന്തപുരം: ലൈംഗിക പീ‍ഡനം ചെറുക്കാൻ പെണ്‍കുട്ടി സ്വാമിയുടെ ജനനേന്ദ്രിയം മുറിച്ച സംഭവം ഒരുപക്ഷേ അദ്ഭുതത്തോടെയാണ് കേരളം കേട്ടത്. പെണ്‍കുട്ടിയുടെ ധൈര്യത്തെ അഭിനന്ദിച്ച് മുഖ്യമന്ത്രി പിണറായി വിജയന്‍ ഉള്‍പ്പെടെ ബഹുഭൂരിപക്ഷം മലയാളികളും രംഗത്തെത്തി.

കഴിഞ്ഞദിവസം രാത്രി പത്തരയോടെ  പേട്ടയിലെ യുവതിയുടെ വീട്ടിൽ വെച്ച് നടന്ന സംഭവത്തെക്കുറിച്ച് യുവതി നല്‍കിയ മൊഴിയില്‍ പറയുന്നത് ഇതാണ്. വ‌ർഷങ്ങളായി സ്വാമിയുടെ ഉപദ്രവം സഹിക്കുന്നു. പ്ലസ് ടുവിന് പഠിക്കുന്ന കാലത്തെ തുടങ്ങിയതാണ്. തനിക്ക് ഈ​ശ്വ​ര കോ​പ​മു​ണ്ടെ​ന്നും പ​രി​ഹാ​ര​മാ​യി കോ​ട്ട​യം, എ​റ​ണാ​കു​ളം ജി​ല്ല​ക​ളി​ലെ ആ​ശ്ര​മ​ങ്ങ​ളും അ​മ്പ​ല​ങ്ങ​ളും സ​ന്ദ​ർ​ശി​ച്ച് പൂ​ജ​ക​ൾ ന​ട​ത്തേ​ണ്ടി​വ​രു​മെ​ന്നും വീ​ട്ടു​കാ​രോ​ട് പ​റ​ഞ്ഞു.

ഇ​ത്​ വി​ശ്വ​സി​ച്ച വീ​ട്ടു​കാ​ർ പ്ല​സ് ടു ​വി​ദ്യാ​ർ​ഥി​യാ​യ പെ​ൺ​കു​ട്ടി​യെ ഗം​ഗേ​ശാ​ന​ന്ദ​ക്കൊ​പ്പം അ​യ​ച്ചു. ഈ ​കാ​ല​ത്താ​ണ് ആ​ദ്യ​മാ​യി പീ​ഡ​ന​ത്തി​ന് ഇ​ര​യാ​യത്. ത​ന്നി​ലൂ​ടെ ദൈ​വ​ത്തി‍​​ന്‍റെ അ​നു​ഗ്ര​ഹം ല​ഭി​ക്കു​മെ​ന്ന് പ​റ​ഞ്ഞാ​യി​രു​ന്നു പീ​ഡ​നം. എ​ന്നാ​ൽ, തി​രി​ച്ച​റി​വെ​ത്തി​യ​തോ​ടെ പീ​ഡ​ന​ത്തെ എ​തി​ർ​ത്തു. പക്ഷേ വീ​ട്ടു​കാ​രു​ടെ​യും നാ​ട്ടു​കാ​രു​ടെ​യും ഇ​ട​യി​ൽ മോ​ശ​ക്കാ​രി​യാ​ക്കു​മെ​ന്നു​പ​റ​ഞ്ഞ് ഭീ​ഷ​ണി​പ്പെ​ടു​ത്തി സ്വാമി പീ​ഡ​നം തു​ടര്‍ന്നു.

വീട്ടുകാർ അന്ധമായി സ്വാമിയെ വിശ്വസിച്ചിരുന്നതിനാൽ തന്നെ ഉപദ്രവിക്കുന്ന കാര്യം വിശ്വസിക്കുമായിരുന്നില്ല. ഒരുഘട്ടത്തിൽ സ്വയം ജീവനൊടുക്കാൻ തീരുമാനിച്ചിരുന്നു. സംഭവദിവസം രാത്രി വീട്ടിലെത്തിയ സ്വാമി ലൈംഗികബന്ധത്തിന് നിർബന്ധിച്ചുവെങ്കിലും വഴങ്ങിയില്ല.

തുര്‍ന്ന് രാത്രിയിൽ മുറിയിൽ നിന്നും വലിച്ചിഴച്ചുകൊണ്ടുപോയി കത്തികാട്ടി ഭീഷണിപ്പെടുത്തി. ഈ കത്തിപിടിച്ചുവാങ്ങിയാണ് ജനനേന്ദ്രിയം മുറിച്ചത്. സ്വാമിയെ ആക്രമിച്ചകാര്യം താന്‍ തന്നെയാണ് പൊലീസ് കണ്‍ട്രോള്‍ റൂമിൽ വിളിച്ചറിയിച്ചത്.  പൊലീസെത്തിയ ശേഷമാണ് വീട്ടുകാർ പോലും വിവരമറിയുന്നത്. അ​വ​സാ​നം സ്വ​യ​ര​ക്ഷ​ക്കു വേ​ണ്ടി​യാ​ണ് ക​ത്തി​യെ​ടു​ക്കേ​ണ്ടി​വ​ന്ന​തെ​ന്നും യു​വ​തി പൊ​ലീ​സി​നോ​ട് പ​റ​ഞ്ഞതായാണ് റിപ്പോര്‍ട്ടുകള്‍.

ഇതിനിടെ മെ‍ഡിക്കൽ കോളജ് ആശുപത്രിയിൽ ചികിത്സയിൽ കഴിയുന്ന ശ്രീഹരിയുടെ അറസ്റ്റ് പൊലീസ് രേഖപ്പെടുത്തി. പോക്സോയും ബലാൽസംഗവും ചുമത്തിയാണ് അറസ്റ്റ്. എന്നാല്‍ സ്വയം ജനേന്ദ്രിയം മുറിച്ചുവെന്ന് ഡോക്ടര്‍ക്ക് ആദ്യം മൊഴി നൽകിയ സ്വാമി പിന്നീട് പൊലീസിന് നൽകിയ മൊഴിയിൽ മാറ്റം വരുത്തി. കാൽതടവികൊണ്ടിരിക്കുന്നതിനിടെ യുവതി തന്‍റെ ജനനേന്ദ്രിയം മുറിച്ചുവെന്നാണ് പുതിയ മൊഴി.

സ്വാമിക്കെതിരെ യുവതിയുടെ കുടുംബം സാമ്പത്തിക തട്ടിപ്പ് ആരോപണവും ഉന്നയിക്കുന്നുണ്ട്.