പാമോലിന് കേസ് ഇന്ന് വിജിലന്സ് കോടതിയില്
Synopsis
തിരുവനന്തപുരം: പാമൊലിന് അഴിമതി കേസ് തിരുവനന്തപുരം വിജിലന്സ് പ്രത്യേക കോടതി ഇന്ന് പരിഗണിക്കും. മുന് സ്പെഷ്യല് പ്രോസിക്യുട്ടര് അഡ്വ പി എ അഹമ്മദിന് കേസിന്റെ ചുമതല വീണ്ടും കൈമാറി സര്ക്കാര് ഉത്തരവിറക്കി. കോടതിയില് നേരിട്ട് ഹാജരാകുന്നതില് നിന്ന് ഒഴിവാക്കണമെന്നാവശ്യപ്പെട്ട് പ്രതികളായ മുന് മന്ത്രി ടി എച്ച് മുസ്തഫ, പി ആന്ഡ് ഇ പ്രൈവറ്റ് ലിമിറ്റഡ് ഡയറക്ടര് വി സദാശിവന് എന്നിവര് ഇന്ന് ഹര്ജി സമര്പ്പിക്കും. എട്ടാം പ്രതി പി ജെ തോമസ് ഐ എ എസ് ഹൈക്കോടതിയില് സമര്പ്പിച്ച ഹര്ജിയെ തുടര്ന്നാണ് തൃശൂര് വിജിലന്സ് കോടതിയില് നിന്ന് തിരുവനന്തപുരം കോടതിയിലേക്ക് വിചാരണ മാറ്റിയത്. ചട്ടങ്ങള് ലംഘിച്ച് പാമൊലിന് ഇറക്കുമതി ചെയ്തതിലൂടെ 2.32 കോടി രൂപയുടെ നഷ്ടം പൊതുഖജനാവിന് ഉണ്ടാക്കിയെന്നാണ് കേസ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam