ഛത്തീസ്ഗഢില് നക്സല് ആക്രമണം; രണ്ട് ബി.എസ്.എഫ് ജവാന്മാര് കൊല്ലപ്പെട്ടു
Synopsis
ഛത്തീസ്ഗഢില് നക്സല് ആക്രമണത്തില് രണ്ട് ബിഎസ്എഫ് സൈനികര് കൊല്ലപ്പെട്ടു.
റായ്പൂർ: ഛത്തീസ്ഗഢില് നക്സല് ആക്രമണത്തില് രണ്ട് ബിഎസ്എഫ് സൈനികര് കൊല്ലപ്പെട്ടു. കാന്കേര് ജില്ലയില് ഞായറാഴ്ചയാണ് സംഭവമുണ്ടായത്. കാടിനടുത്തുള്ള മഹല ക്യാമ്പിലെ സൈനികരാണ് കൊല്ലപ്പെട്ടത്. ഒരാള്ക്ക് ഗുരുതരമായി പരിക്കേറ്റു. മാവോയിസ്റ്റുകള്ക്കായി തിരച്ചില് നടത്തിയ ശേഷം മടങ്ങിവരികയായിരുന്ന ബിഎസ്എഫിന്റെ 114ആം ബറ്റാലിയനു നേരെയാണ് ആക്രമണം ഉണ്ടായത്.
റായ്പൂരില് നിന്ന് 250 കിലോമീറ്റര് അകലെയുള്ള ബര്കോട്ട് ഗ്രാമത്തില് പെട്രോളിംഗ് നടത്തുന്നതിനിടെ ഒളിച്ചിരുന്ന മാവോയിസ്റ്റുകള് ജവാന്മാര്ക്കു നേരെ വെടിയുതിര്ക്കുകയായിരുന്നു.ലോകേന്ദര് സിംഗ്, മുക്ത്ദിയാര് സിംഗ് എന്നീ രണ്ടു ബിഎസ്എഫ് കോണ്സ്റ്റബിള്മാരാണ് കൊല്ലപ്പെട്ടതെന്ന് അധികൃതര് അറിയിച്ചു. കഴിഞ്ഞ ഒൻപതാം തീയതി കാൻകർ ജില്ലയിൽ ബെെക്ക് പെട്രോളിനിറങ്ങിയ രണ്ട് ജവാന്മാരെ മാവോയിസ്റ്റുകൾ കൊലപ്പെടുത്തിയിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam