യുഫെസ്റ്റ് 2017 ഗ്രാന്റ് ഫിനാലെ ഡിസംബര് രണ്ടിന്; ട്രോഫി പ്രകാശനം ചെയ്തു
Synopsis
ദുബായ്: യുഎഇയിലെ സ്കൂള് വിദ്യാര്ത്ഥികള്ക്കായുള്ള യുഫെസ്റ്റ് 2017ന്റെ ട്രോഫി പ്രകാശനം ചെയ്തു. ഹിറ്റ എഫ് എം മോണിംഗ്ഷോ വേദിയിലായിരുന്നു പ്രകാശന ചടങ്ങ്. നാല് കിലോ ഭാരമുള്ള കപ്പ് കേരളത്തില് നിന്നാണ് കഴിഞ്ഞദിവസം ദുബായിലെത്തിച്ചത്. കലോത്സവത്തില് ഏറ്റവും കൂടുതല് പോയിന്റ് കരസ്ഥമാക്കുന്ന സ്കൂളിനാണ് കിരീടം.
ഡിസംബര് രണ്ടിന് യുഎഇ ദേശീയ ദിനത്തില് ദുബായ് എത്തിസലാത്ത് അക്കാദമിയില് വച്ചു നടക്കുന്ന ഗ്രാന്റ് ഫിനാലെയിലൂടെ രാജ്യത്തെ ഇന്ത്യന് വിദ്യാര്ത്ഥികള്ക്കിടയിലെ കലാപ്രതിഭകളെ കണ്ടെത്തും. യുഎഇയിലെ ഇരുപത്തിയാറു സ്കൂളുകളില് നിന്നായി രണ്ടായിരത്തോളം പ്രതിഭകള് പതിനേഴിനങ്ങളില് മാറ്റുരയ്ക്കും.
രാവിലെ എട്ടുണിക്ക് തുടങ്ങുന്ന മത്സരം രാത്രി പത്തുവരെ നീണ്ടു നില്ക്കും. സംസ്ഥാന സ്കൂള്കലോത്സവത്തിന് സമാനമായ രീതിയില് പങ്കെടുക്കുന്ന മത്സരാര്ത്ഥികള്ക്കെല്ലാം ഉച്ചഭക്ഷണം വിതരണം ചെയ്യുമെന്ന് അധികൃതര് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam