ബിജെപി ഭരണത്തിൽ യുപിയിലെ ജീവിതനിലവാരം ഉയർന്നെന്ന് യോ​ഗി ആദിത്യനാഥ്

പിന്നോക്ക ജില്ലയായ സോനാബന്ദ്രയിൽ രണ്ടായിരം യുവതിയുവാക്കൾ പങ്കെടുത്ത സമൂഹവിവാഹചടങ്ങിൽ യോ​ഗി പങ്കെടുത്തു.

സോനാബന്ദ്ര: ബിജെപി സർക്കാരിന് കീഴിൽ ഉത്തർപ്രദേശിലെ ജീവിതനിലവാരം ഉയർന്നെന്ന് മുഖ്യമന്ത്രി യോ​ഗി ആദിത്യനാഥ്. സോനാബന്ദ്രയിൽ ഒൻപത് സർക്കാർ പദ്ധതികളുടെ ഉദ്ഘാടനവും 45 പദ്ധതികളുടെ തറക്കല്ലിടലും നിർവഹിച്ച ശേഷം സംസാരിക്കുകയായിരുന്നു അദ്ദേഹം.

പിന്നോക്ക ജില്ലയായ സോനാബന്ദ്രയുടെ വികസനത്തിന് പ്രധാനമന്ത്രി നരേന്ദ്രമോദി പ്രത്യേക പരി​ഗണന നൽകുന്നുണ്ടെന്നും കൂടുതൽ വികസനം കൊണ്ടു വരണമെന്നും സമൂഹത്തിന്റെ താഴെത്തട്ടിലുള്ളവർക്ക് അതിന്റെ ​ഗുണഫലം കിട്ടണമെന്നുമാണ് മോദിയുടെ ആ​ഗ്രഹമെന്നും യോ​ഗി ആദിത്യനാഥ് പറഞ്ഞു. 

സോനാബന്ദ്രയിൽ രണ്ടായിരം യുവതിയുവാക്കൾ പങ്കെടുത്ത സമൂഹവിവാഹചടങ്ങിൽ യോ​ഗി പങ്കെടുത്തു. ആദിവാസി യുവതി യുവാക്കളാണ് ഇൗ ചടങ്ങിൽ പങ്കെടുത്തത്. ഇവരിൽ ഏഴ് പേർക്കുള്ള വിവാഹസർട്ടിഫിക്കറ്റും, പ്രധാനമന്ത്രി ആവാസ് യോജന പദ്ധതിയുടെ സർട്ടിഫിക്കറ്റും യോ​ഗി കൈമാറി.