കൊല്ലം: കോണ്ഗ്രസ് നേതാവ് രാജ്മോഹൻ ഉണ്ണിത്താനെ കയ്യേറ്റം ചെയ്ത സംഭവത്തിൽ 6 പേര്ക്ക് സസ്പെൻഷൻ . കൊല്ലം ഡിസിസി പ്രസിഡന്റിന്റേതാണ് നടപടി . എംഎസ് അജിത് കുമാർ, ആർഎസ് ബേബി, ശങ്കരനാരായണൻ, ബിനു മംഗലത്ത്, വിഷ്ണു വിജയൻ, അതുൽ എസ് പി എന്നിവർക്കാണ് സസ്പെന്ഷൻ .
രാജ്മോഹന് ഉണ്ണിത്താനെ നേരെ കൊല്ലം ഡിസിസി ഓഫീസിന് മുന്നിലായിരുന്നു കൈയ്യേറ്റ ശ്രമം. അദ്ദേഹത്തിന്റെ വാഹനത്തിന് നേരെ കോണ്ഗ്രസ് പ്രവര്ത്തകര് ചീമുട്ടയെറിഞ്ഞു. കൊല്ലം ഡി.സി.സി ഓഫീസിനടുത്ത് കോണ്ഗ്രസിന്റെ ജന്മവാര്ഷിക സമ്മേളനത്തിന് എത്തിയപ്പോഴായിരുന്നു സംഭവം. ഒരു വിഭാഗം കാറിന്റെ ചില്ലും തകർത്തിരുന്നു.