വാക്സിനുകളും വീര്യം കൂടിയ ആന്റി ബയോട്ടിക്കുകളും പിടിച്ചെടുത്തു
Synopsis
തിരുവനന്തപുരം: പാലോട് പെരിങ്ങമലയില് അനധികൃത വില്പനക്കായെത്തിച്ച വാക്സിനുകളും വീര്യം കൂടിയ ആന്റി ബയോട്ടിക്കുകളും പിടിച്ചെടുത്തു. മാസ് ഏജന്സീസില് നിന്നാണ് ഡ്രഗ്സ് കണ്ട്രോളര് വിഭാഗം ഇവ പിടികൂടിയത്
ഡ്രഗ്സ് കണ്ട്രോളര് വിഭാഗത്തിന് കിട്ടിയ പരാതിയുടെ അടിസ്ഥാനത്തിലായിരുന്നു പരിശോധന . വാക്സിനുകളും വീര്യം കൂടിയ മരുന്നുകളും കടില് നിന്ന് പിടിച്ചെടുത്തു . മരുന്നുകള് വല്പന നടത്താന് വേണ്ട ലൈസന്സുകളോ മറ്റ് രേഖകളോ ഇല്ലാതെയാണ് മരുന്നുകള് സൂക്ഷിച്ചതും വില്പന നടത്തിയതുമെന്ന് കണ്ടെത്തിയിട്ടുണ്ട് . കടയ്ക്കും ഡ്രഗ്സ് ലൈസന്സ് ഇല്ല . സര്ക്കാരില് നിന്ന് സൗജന്യമായി കിട്ടുന്ന ചില മരുന്നുകളും വില്പനക്കെത്തിച്ചവയില് ഉണ്ടെന്നും അവ വില്പന നടത്തിയിട്ടുണ്ടെന്നും പരിശോധനയില് കണ്ടെത്തി .
മാസ് ഏജന്ഡസി ഉടമ അന്ഫറിനെതിരെ ഡ്രഗ്സ് കണ്ട്രോളര് വിഭാഗം കേസെടുത്തു . ഡ്രഗ്സ് ആന്റ് കോസ്മെറ്റിക് ആക്ട് അനുസരിച്ചാണ് നടപടി . അഞ്ചുവര്ഷം വരെ തടവ് ശിക്ഷ ലഭിക്കാവുന്ന ശിക്ഷയാണിത് . അസിസ്റ്റന്റ് ഡ്രഗ്സ് കണ്ട്രോളര് പികെ ശ്രീകുമാറിന്റെ നേതൃത്വത്തില് സന്തോഷ് മാത്യു ,വിനോദ് ,അജി എന്നിവരടങ്ങുന്ന സംഘമാണ് പരിശോധന നടത്തിയത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam