ബാര്കോഴ അട്ടിമറി കേസ്; വിജിലന്സിന് കോടതിയുടെ രൂക്ഷ വിമര്ശനം
Synopsis
തിരുവനന്തപുരം: ബാര്കോഴകേസ് അട്ടിമറിക്കേസില് വിജിലന്സിനെതിരെ തിരുവനന്തപുരം വിജിലന്സ് കോടതിയുടെ വിമര്ശം. ഡിജിപി റാങ്കിലുള്ള ശങ്കര്റെഡ്ഡിക്കെതിരായ അന്വേഷണം ഒരു സിഐ നടത്തിയാല് ഉചിതമാകുമോയെന്ന് കേസ് പരിഗണിക്കുമ്പോള് കോടതി ചോദിച്ചു. ബാര് കോഴ കേസിലെ ചില അന്വേഷണ ഉദ്യോഗസ്ഥര് തന്നെ ശങ്കര്റെഡ്ഡിക്കെതിരെ മൊഴി നല്കിയപ്പോള് അട്ടിമറി സംശയം നിലനില്ക്കില്ലെയെന്നും കോടതി സംശയം പ്രകടിപ്പിച്ചു.
കൂടുതല് വാദത്തിനായി കേസ് 12ലേക്ക് മാറ്റി. ശങ്കര്റെഡ്ഡി കെ.എം. മാണിക്കെതിരായ ബാര്കോഴകേസ് അട്ടിമറിച്ചുവെന്ന ആരോപണം തള്ളിയാണ് വിജിലന്സ് നേരത്തെ കോടതിയില് റിപ്പോര്ട്ട് സമര്പ്പിച്ചിരുന്നത്. ഈ റിപ്പോര്ട്ട് തള്ളണമെന്ന ഹര്ജി പരിഗണിക്കവേയാണ് വാദത്തിനിടെ കോടതി സംശയങ്ങള് ഉന്നയിച്ചത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam