തോമസ് ചാണ്ടിയെ പിന്തുണയ്ക്കുന്നവര്‍ക്കെതിരെ രൂക്ഷ വിമര്‍ശനവുമായി വി.എസ്

തിരുവനന്തപുരം: സര്‍ക്കാര്‍ ഭൂമി കയ്യേറിയ വിഷയത്തില്‍ മന്ത്രി തോമസ് ചാണ്ടിക്കും തോമസ് ചാണ്ടിയെ പിന്തുണയ്ക്കുന്നവര്‍ക്കുമെതിരെ രൂക്ഷ വിമര്‍ശനവുമായി ഭരണപരിഷ്‌കാര കമ്മിഷന്‍ ചെയര്‍മാന്‍ വി.എസ്. അച്യുതാനന്ദന്‍. ചാണ്ടിയെ കൊണ്ടുനടക്കുന്നത് ഭൂഷണമായി പ്രമാണിമാര്‍ കരുതുന്നുവെന്നായിരുന്നു വിഎസിന്റെ പ്രതികരണം.

മന്ത്രി അഴിമതി നടത്തിയെന്ന് വ്യക്തമായിട്ടും രാജി അടക്കമുള്ള ആവശ്യം ഉയര്‍ന്നിട്ടും ഇതുവരെയും വിഷയത്തില്‍ മുഖ്യമന്ത്രി പിണറായി വിജയന്‍ പ്രതികരിച്ചിട്ടില്ല. ഇതിനിടെയിലാണ് ചാണ്ടിയെ അനുകൂലിക്കുന്നവരെയടക്കം വിമര്‍ശിച്ച് വിഎസ് രംഗത്ത് വന്നിരിക്കുന്നത്.