പുതുവത്സരത്തില് പാതിവഴിയില് നിലച്ച് വാട്സ്ആപ്പ് സന്ദേശങ്ങള്
Synopsis
ദില്ലി: പുതുവത്സര സന്ദേശങ്ങള് പ്രവഹിച്ചതോടെ ലോകത്തിലെ ഏറ്റവും വലിയ സന്ദേശ കൈമാറ്റ ആപ്പായ വാട്സ്ആപ്പ് ഡൗണായി. ഒരുമണിയോടു കൂടിയാണ് തകരാര് പരിഹരിക്കാനായത്. പുതുവത്സരം പ്രമാണിച്ച് സന്ദേശമയക്കുന്നവരുടെ എണ്ണത്തിലുണ്ടായ വര്ദ്ധനവ് ആപ്പിന്റെ ട്രാഫിക്കിനെ ബാധിച്ചു.
ഇതേ തുടര്ന്ന് പുതിയ സന്ദേശങ്ങള് അയക്കാന് പറ്റാതെയും അയച്ച സന്ദേശങ്ങള് എത്തിച്ചേരാതെയും വാട്സ്ആപ്പ് നിശ്ചലമാകുകയായിരുന്നു. ഡിസംബര് 31 ന് 12 മണിക്ക് ശേഷം ഏതാണ്ട് ഒരു മണിക്കൂറോളം ഈ സ്തംഭനാവസ്ഥ തുടര്ന്നു. അതിന് ശേഷം തകരാര് പരിഹരിച്ച ശേഷമാണ് ആപ്ലിക്കേഷന് പ്രവര്ത്തന ക്ഷമമായത്. ഇന്ത്യ, മലേഷ്യ,യുഎസ്എ, ബ്രസീല്, യൂറോപ്യന് രാജ്യങ്ങള് എന്നിവിടങ്ങളിലെ കോടിക്കണക്കിന് ഉപഭോക്താക്കള്ക്ക് ഇത് പുതുവത്സരത്തിലേറ്റ കല്ലുകടിയായി.
അതിനിടെ വാട്സ്ആപ്പ് നിശ്ചലമായതോടെ ട്രോള് ഗ്രൂപ്പുകള് സജീവമായി. വാട്സ്ആപ്പിന്റെ തകരാര് വിഷയമാക്കി നിരവധി ട്രോളുകള് രാത്രിതന്നെ പ്രചരിച്ചു തുടങ്ങി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam