ചെങ്ങന്നൂരില് സിപിഎം സ്ഥാനാര്ഥിയായി മഞ്ജു മല്സരിക്കുമോ? വാസ്തവം ഇതാണ്
Synopsis
ആലപ്പുഴ: ചെങ്ങന്നൂര് ഉപതിരഞ്ഞെടുപ്പില് ഇടതുപക്ഷ സ്ഥാനാര്ഥിയായി നടി മഞ്ജു വാര്യര് മല്സരിക്കുമെന്ന വാർത്ത തള്ളി സിപിഎം ആലപ്പുഴ ജില്ലാ നേതൃത്വം. വിജയപ്രതീക്ഷയുള്ള മണ്ഡലത്തില് പാര്ട്ടി പ്രവര്ത്തകരെയാണു പരിഗണിക്കുന്നതെന്നും ജില്ലാ സെക്രട്ടറി സജി ചെറിയാന് പറഞ്ഞു. തുടര്ച്ചയായി മൂന്നുവട്ടം കോണ്ഗ്രസ് വിജയിച്ച ചെങ്ങന്നൂര് മണ്ഡലത്തില് കഴിഞ്ഞ തവണ ഇടതുപക്ഷം അട്ടിമറിജയമാണു നേടിയത്.
അതുകൊണ്ടുതന്നെ ഇത്തവണയും വിജയം തുടരാനാകുമെന്ന പ്രതീക്ഷയിലാണ് ഇടതു മുന്നണി. സിപിഎമ്മിന്റെ സിറ്റിങ് സീറ്റില് സെലിബ്രിറ്റി സ്ഥാനാര്ഥിയെന്ന നിലയില് മഞ്ജു വാര്യര് മല്സരിക്കുമെന്ന് വ്യാപകമായ പ്രചാരണം നടന്നിരുന്നു. എന്നാല് സംഘടനാതലത്തിലും വിജയപ്രതീക്ഷയുടെ കാര്യത്തിലും ഇടതുപക്ഷം കരുത്താര്ജിച്ചു നില്ക്കുന്ന മണ്ഡലത്തില് അതിന്റെ ആവശ്യമില്ലെന്ന നിലപാടാണ് ജില്ലാ നേതൃത്വത്തിനുള്ളത്.
തിരഞ്ഞെടുപ്പില് തന്റെ സ്ഥാനാര്ത്ഥിത്വം പാര്ട്ടി തീരുമാനിക്കുമെന്നും സജി ചെറിയാന് പറഞ്ഞു. സര്ക്കാരിന്റെ വിലയിരുത്തലാകുമെന്നു കരുതപ്പെടുന്ന തിരഞ്ഞെടുപ്പില്, കുടിവെള്ള പദ്ധതികളും അടിസ്ഥാനസൗകര്യ മേഖലയിലെ വികസനവും വോട്ടായി മാറുമെന്നാണ് ഇടതുപക്ഷത്തിന്റെ പ്രതീക്ഷ.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam