യുവതിയെ പിടിച്ചുപറിക്കാൻ ശ്രമിച്ചയാളെ ഭർതൃസഹോദരി പിന്തുടർന്ന്​ പിടികൂടി

ദില്ലി: ബൈക്കിലെത്തിയ സംഘം ഒാടിക്കൊണ്ടിരുന്ന ഒാ​ട്ടോയിൽ നിന്ന്​ 28കാരിയായ യുവതിയെ വീഴ്​ത്തി പിടിച്ചുപറിക്കാൻ ശ്രമിച്ചു. പിടിച്ചുപറി ​ശ്രമത്തെ പ്രതിരോധിക്കുന്നതിനിടെ യുവതി പുറത്തേക്ക്​ വീഴുകയും ഗുരുതരമായി പരിക്കേൽക്കുകയും ചെയ്​തു. സംഘത്തിലെ ഒരാളെ യുവതിയുടെ കൂടെയുണ്ടായിരുന്ന ഭർതൃസഹോദരി പിന്തുടർന്ന്​ പിടിച്ചുവീഴ്​ത്തി.  

കിഴക്കൻ ദില്ലിയിലാണ്​ സംഭവം. പിടിച്ചുപറി സംഘത്തിലെ രണ്ട്​ പേരെയും പൊലീസ്​ അറസ്​റ്റ്​ ചെയ്​തു. ഒരാളെ സംഭവ സ്​ഥലത്ത്​ നിന്ന്​ ത​ന്നെയാണ്​ പിടികൂടിയത്​. 
രുചിക ജാജു എന്ന സ്​ത്രീയാണ്​ ആക്രമണത്തിനിരയായത്​. ഷാഹ്​ദരയിൽ ഭർത്താവ്​ പ​ങ്കെടുത്ത വോളിബാൾ ടൂർണമെന്‍റ്​ കണ്ടുമടങ്ങുന്നതിനിടെയാണ്​ പിടിച്ചുപറി സംഘം യുവതിയെ ലക്ഷ്യമിട്ടത്​. 

പിടിച്ചുപറിക്കിടെ  ബൈക്ക്​ തെന്നി വീണതിനാൽ സംഘത്തിന്​ പെ​ട്ടെന്ന്​ രക്ഷപ്പെടാനായില്ല. രുചിക ഭർതൃസഹോദരിക്കൊപ്പമായിരുന്നു യാത്ര ചെയ്​തിരുന്നത്​. ഭർതൃസഹോദരി പിടിച്ചുപറി സംഘത്തിലെ ഒരാളെ പിന്തുടരുകയും  പിടിച്ചുവീഴ്​ത്തുകയുമായിരുന്നു. മറ്റൊരാളെ പിന്നീട്​ പൊലീസ്​ അറസ്​റ്റ്​ ചെയ്യുകയും ചെയ്​തു. ഒാ​ട്ടോയാത്രക്കാരായ സ്​ത്രീകളെ കൊള്ളയടിക്കാനുള്ള ശ്രമത്തി​ന്‍റെ ഒടുവിലത്തെ ഇരയാണ്​ രുചിക. ഇൗ വർഷം ഇതെ രീതിയിൽ 12 സ്​ത്രീകൾക്ക്​ മാരകമായി പരിക്കേൽക്കുകയും ചെയ്​തിരുന്നു.