മാളിന്റെ മുകളിൽ നിന്ന് ചാടി യുവതി ആത്മഹത്യ ചെയ്തു

കോഴിക്കോട്: മാളിന്റെ മുകളിൽ നിന്ന് ചാടി യുവതി ആത്മഹത്യ ചെയ്തു. കോഴിക്കോടാണ് സംഭവം. മാളിലെ ജീവനക്കാരി അൻസയാണ് മരിച്ചത്. ഭർതൃപീഡനമാണ് ആത്മഹത്യക്ക് കാരണമെന്ന് അൻസയുടെ ബന്ധുക്കൾ ആരോപിച്ചു.

കോഴിക്കോട്ടെ മാളിലെ ജീവനക്കാരിയായിരുന്ന പാവങ്ങാട് സ്വദേശിയായ അൻസ. ഫെബ്രുവരിയാണ് അൻസയും മാളിക്കടവ് സ്വദേശി അജിൻദാസും തമ്മിലുള്ള വിവാഹം കഴിഞ്ഞത്. സഹപാഠികളായിരുന്നു ഇവരുടേത് പ്രണയവിവാഹമായിരുന്നു. വിവാഹത്തെ അജിന്റെ ബന്ധുക്കൾ എതിർത്തിരുന്നെന്ന് യുവതിയുടെ വീട്ടുകാർ പറയുന്നു. വിവാഹ ശേഷം ഭർത്താവിന്റെ വീട്ടുകാർ അൻസയെ പീഡിപ്പിച്ചിരുന്നതായും അമ്മ ഗ്ലാഡിസ് പറയുന്നു.

ഭർത്താവിന്റെ ബന്ധുക്കൾ വീട്ടിൽ നിന്ന് ഇറക്കിവിട്ടതിന്റെ മനോവിഷമത്തിലാണ് ജോലി സ്ഥലത്തെത്തിയ പെൺകുട്ടി ആത്മഹത്യ ചെയ്തതെന്നും ബന്ധുക്കൾ ആരോപിച്ചു. നല്ലളം പൊലീസ് കേസെടുത്ത് അന്വേഷണം തുടങ്ങി.