യൂത്ത് കോണ്ഗ്രസ് നേതാവിനെ സംഘം ചേര്ന്ന് മര്ദ്ദിച്ചതായി പരാതി
Synopsis
യൂത്ത് കോണ്ഗ്രസ് നേതാവിനെ രാഷ്ട്രീയ വൈര്യത്തെ തുടര്ന്ന് സംഘം ചേര്ന്ന് മര്ദ്ദിച്ചതായി പരാതി. കോതമംഗലം സ്വദേശിയായ എല്ദോസ് ബേബിയാണ് പരാതിക്കാരന്. കുട്ടമ്പുഴ പൊലീസ് കേസെടുത്തു.
യൂത്ത് കോണ്ഗ്രസ് വടാട്ടുപാറ മണ്ഡലം പ്രസിഡന്റാണ് എല്ദോസ് ബേബി. കഴിഞ്ഞ ദിവസം രാത്രി വീട്ടിലേക്ക് പോകും വഴി എല്ദോസിനെ കുറെ പേര് ചേര്ന്ന് ബൈക്കിടിച്ച് വീഴ്ത്തി. അതിനു ശേഷം ക്രൂരമായി മര്ദ്ദിച്ചുവെന്നാണ് പരാതി. 30 ഓളം പേര് ചേര്ന്ന് തന്നെ മര്ദ്ദിച്ചുവെന്നാണ് എല്ദോസിന്റെ പരാതിയില് പറയുന്നത്. കോതമംഗലം താലൂക്ക് ആശുപത്രിയില് ചികിത്സയിലാണ് എല്ദോസ്. തെരഞ്ഞെടുപ്പ് കാലത്തെ പ്രവര്ത്തനുവമായി ബന്ധപ്പെട്ടുണ്ടായ വൈരാഗ്യമാണ് ആക്രമണത്തിന് പിന്നിലെന്നാണ്, കോണ്ഗ്രസ് മണ്ഡലം കമ്മറ്റി കുട്ടമ്പുഴ പൊലീസില് നല്കിയ പരാതിയില് പറയുന്നത്.
ആരോപണം സിപിഎം പ്രാദേശിക നേതൃത്വം നിഷേധിച്ചിട്ടുണ്ട്. കുട്ടമ്പുഴ പൊലീസ് കേസെടുത്ത് അന്വേഷണം ആരംഭിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam