ഓള്റൗണ്ട് മികവില് ഓസ്ട്രേലിയയിലും താരമായി അര്ജ്ജുന് ടെന്ഡുല്ക്കര്
Synopsis
സിഡ്നി: ഓസ്ട്രേലിയയിലും താരമായി സച്ചിന് ടെന്ഡുല്ക്കറുടെ മകന് അര്ജുന് ടെന്ഡുല്ക്കര്. സിഡ്നി ക്രിക്കറ്റ് ഗ്രൗണ്ട് സംഘടിപ്പിച്ച സിപിരിറ്റ് ഓഫ് ക്രിക്കറ്റ് ഗ്ലോബല് ട്വന്റി-20 ക്രിക്കറ്റ് ടൂര്ണമെന്റില് മികച്ച പ്രകടനം പുറത്തെടുത്താണ് അര്ജുന് ഓസ്ട്രേലിയയിലും വാര്ത്ത സൃഷ്ടിച്ചത്.
ബ്രാഡ്മാന് ഓവലില് നടന്ന മത്സരത്തില് ഹോങ്കോങ് ക്രിക്കറ്റ് ക്ലബ്ബിനെതിരെ ക്രിക്കറ്റ് ക്ലബ്ബ് ഓഫ് ഇന്ത്യക്ക് വേണ്ടിയാണ് അര്ജുന് കളത്തിലിറങ്ങിയത്. ഓപ്പണറായി ഇറങ്ങിയ അര്ജുന് 27 പന്തില് 48 റണ്സ് അടിച്ചതിനൊപ്പം നാല് ഓവര് എറിഞ്ഞ് നാല് വിക്കറ്റ് വീഴ്ത്തുകയും ചെയ്തു. ബ്രാഡ്മാന്റെ പേരിലുള്ള ഗ്രൗണ്ടില് കളിക്കാനായതില് അഭിമാനമുണ്ടെന്ന് മത്സരശേഷം അര്ജ്ജുന് പറഞ്ഞു.
ഇത് ആദ്യമായല്ല അര്ജുന് തെണ്ടുല്ക്കര് വാര്ത്തകളില് നിറയുന്നത്. ആഭ്യന്തര മത്സരങ്ങളില് തിളങ്ങിയതിന് പുറമെ കഴിഞ്ഞ വര്ഷം ജൂലൈയില് ഇംഗ്ലീഷ് ബാറ്റ്സ്മാന് ജോണി ബെയര്സ്റ്റോയെ യോര്ക്കറില് വീഴ്ത്തിയതിനെ തുടര്ന്നും അര്ജുന് ചര്ച്ചാവിഷയമായിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!