കുട്ടികോലിയോടൊപ്പമുള്ള ആ പഴയ ചിത്രം വൈറലായതിന് പിന്നില്- നെഹ്റ പറയുന്നു
Synopsis
13 വര്ഷങ്ങള്ക്ക് മുമ്പ് ഇന്ത്യന് ക്രിക്കറ്റ് ടീമിലെ ഇടംകൈയന് ബൗളര് ആശിഷ് നെഹ്റയില് നിന്ന് സമ്മാനം സ്വീകരിച്ച പതിനഞ്ച് കാരന് വര്ഷങ്ങള്ക്കിപ്പുറം തന്റെ വിടവാങ്ങല് മത്സരത്തില് ടീമിന്റെ നായകനായി. എന്നാല് ആ ചരിത്രമൊന്നുമല്ല ഇന്ന് നെഹ്റയ്ക്ക് പറയാനുള്ളത്. തന് സമ്മാനം നല്കുന്ന ആ പഴയ ചിത്രം സോഷ്യല് മീഡിയയില് വൈറലായതിന് പിന്നിലെ കാരണമാണ്.
താന് സോഷ്യല് മീഡിയയില് ഇല്ല, അതുകൊണ്ട് തന്നെ ആ ചിത്രം വൈറലായത് തന്റെ പ്രധാന്യം കൊണ്ടുമല്ല. അത് ഇന്ന് വൈറലാകുന്നുവെങ്കില് അതിന് പിന്നില് ഒരു കാരണമേ ഉള്ളൂ..സമ്മാനം വാങ്ങി ഫോട്ടോയ്ക്ക് പോസ് ചെയ്ത ആ പതിനഞ്ചുകാരന് ഇന്ന് എവിടെ നില്ക്കുന്നു എന്നത് മാത്രമാണത്- നെഹ്റ പറയുന്നു.
13 വര്ഷങ്ങള്ക്കു മുമ്പാണ് ആ ചിത്രമെടുത്തത് അത് അന്നും അവിടെ തന്നെയുണ്ടായിരുന്നു. ആരും ശ്രദ്ധിച്ചില്ല. അന്നും ഞാന് കളിക്കുന്നുണ്ട്. കോലിക്ക് പകരം മറ്റാരെങ്കിലുമായിരുന്നെങ്കില് ആ ചിത്രം അത്രയധികം സ്വീകരിക്കപ്പെടുമായിരുന്നില്ലെന്നും അദ്ദേഹം പറഞ്ഞു. ന്യൂസിലാന്ഡുമായി നടന്ന ആദ്യ ടി ട്വന്റിയോടെ 18 വര്ഷം നീണ്ട അന്താരാഷ്ട്ര ക്രിക്കറ്റ് ജീവിതത്തിന് വിരാമമിട്ടിരിക്കുകയാണ് നെഹ്റ. 2001ലാണ് നെഹ്റയുടെ അരങ്ങേറ്റം. 144 ഏകദിനങ്ങളില് നിന്ന് 157 വിക്കറ്റുകളാണ് നെഹ്റ നേടിയത്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!