79 ദിവസംകൊണ്ട് സൈക്കിളില് ലോകം ചുറ്റിയ ബിമോണ്ടിന് ലോക റെക്കോർഡ്
Synopsis
79 ദിനം കൊണ്ട് 16 രാജ്യങ്ങളിലൂടെ 29000 കിലോമീറ്റര് സൈക്കിളോടിച്ച മാർക്ക് ബീമോണ്ടിന് ഗിന്നസ് ലോക റെക്കോർഡ്. 78 ദിവസവും 14 മണിക്കൂറും 40 മിനിറ്റുംകൊണ്ട് ബിമോണ്ട് പിന്നിട്ടത് പോളണ്ട്, റഷ്യ, മംഗോളിയ, ചൈന, ഓസ്ട്രേലിയ, അമേരിക്ക എന്നീ രാജ്യങ്ങളിലൂടെ 29000 കിലോമീറ്റർ ദൂരം. പ്രതിദിനം 18 മണിക്കൂർ സൈക്കിളോടിച്ച ബീമോണ്ട് ഒാരോ ദിവസവും 9000 കലോറി ഉൗർജമാണ് ഇതിനായി ചെലവഴിച്ചത്.
സൈക്കിൾ ഒാടിക്കുന്നതിനിടെ ഒമ്പതാം ദിനത്തിൽ റഷ്യയിൽ നിന്നുണ്ടായ അപകടത്തിൽ പല്ല് പൊട്ടിയതും കൈമുട്ടിൽ പരിക്ക് പറ്റിയതും അവഗണിച്ചാണ് ബ്രിട്ടീഷുകാരനായ ബീമോണ്ട് ഉദ്യമം തുടർന്നത്. മണിക്കൂറുകളോടും ദിവസങ്ങളോടും ആഴ്ചകളോടും പൊരുതിയാണ് മാരത്തോൺ ദൗത്യം പൂർത്തിയാക്കിയതെന്ന് ഇദ്ദേഹം പറയുന്നു.
ദൗത്യം പൂർത്തിയാക്കിയ ഇദ്ദേഹത്തിന് ലോക റെക്കോർഡിന് പുറമെ ഒരു മാസം കൊണ്ട് കൂടുതൽ ദൂരം പിന്നിട്ടതിനുള്ള സർട്ടിഫിക്കറ്റും ഗിന്നസ് വേൾഡ് റെക്കോർഡ് അഡ്ജുഡിക്കേറ്റർ കൈമാറി. ന്യൂസിലാൻറിൽ നിന്നുള്ള ആൻഡ്രൂ നിക്കോൾസൺ 2015ൽ സ്ഥാപിച്ച റെക്കോർഡാണ് ഇപ്പോൾ മറികടന്നത്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!