കോപ്പാ ഡെല് റേ ആദ്യപാദ സെമിഫൈനലില് കരുത്തരായ റയല് മാഡ്രിഡും ബാഴ്സലോണയും നേര്ക്കുനേര് പോരിനിറങ്ങും.
ബാഴ്സലോണ: കോപ്പാ ഡെല് റേ ഫുട്ബോളില് ഇന്ന് ക്ലാസിക് പോരാട്ടം. ആദ്യപാദ സെമിഫൈനലില് കരുത്തരായ റയല് മാഡ്രിഡും ബാഴ്സലോണയും നേര്ക്കുനേര് പോരിനിറങ്ങും. ബാഴ്സലോണയുടെ ഹോം ഗ്രൗണ്ടില് രാത്രി ഒന്നരയ്ക്കാണ് കളി തുടങ്ങുക.
നായകന് ലിയോണല് മെസിയുടെ പരുക്കാണ് ബാഴ്സലോണയെ അലട്ടുന്നത്. ഒക്ടബോറില് ഇരുടീമും ഏറ്റുമുട്ടിയപ്പോള് ബാഴ്സ ഒന്നിനെതിരെ അഞ്ച് ഗോളിന് റയലിനെ തകര്ത്തിരുന്നു. എല് ക്ലാസിക്കോയില് റയലും ബാഴ്സയും ഇതുവരെ 272 തവണ ഏറ്റുമുട്ടിയിട്ടുണ്ട്. ബാഴ്സ 113 കളിയിലും റയല് 99 കളിയിലും ജയിച്ചു. 60 മത്സരങ്ങള് സമനിലയില് അവസാനിച്ചു.