എഫ് എ കപ്പ് സെമിയില്‍ ഇന്ന് സൂപ്പര്‍ പോരാട്ടം

മാഞ്ചസ്റ്റര്‍ യുണൈറ്റ‍ഡ്- ടോട്ടനം മത്സരം രാത്രി 9.45ന്

ടോട്ടനം: എഫ് എ കപ്പ് സെമി ഫൈനലില്‍ ഇന്ന് സൂപ്പര്‍ പോരാട്ടം. മാഞ്ചസ്റ്റര്‍ യുണൈറ്റ‍ഡ് ഫൈനല്‍ ലക്ഷ്യമിട്ട് ടോട്ടനത്തെ നേരിടും. രാത്രി 9.45ന് വെംബ്ലി സ്റ്റേ‍ഡിയത്തിലാണ് മത്സരം. ഇരുടീമും ഇതുവരെ 188 കളിയില്‍ ഏറ്റുമുട്ടിയിട്ടുണ്ട്. എണ്‍പത്തിയെട്ടില്‍ യുണൈറ്റഡും 51ല്‍ ടോട്ടനവും ജയിച്ചു. 49 കളി സമനിലയിലായി.

പ്രീമിയര്‍ ലീഗില്‍ വെസ്റ്റ് ബ്രോമിനോട് അപ്രതീക്ഷിത തോല്‍വി നേരിട്ട യുണൈറ്റഡ് ടീമില്‍ മാറ്റം വരുത്തുമെന്ന് കോച്ച് ഹൊസെ മോറീഞ്ഞോ പറഞ്ഞു. പ്രീമിയര്‍ ലീഗില്‍ അടിതെറ്റിയ ഇരുടീമിനും എഫ് എ കപ്പ് വളരെ നിര്‍ണായകമാണ്. സ്ട്രൈക്കര്‍ ഹാരി കെയ്നില്‍ പ്രതീക്ഷയര്‍പ്പിച്ചാണ് ടോട്ടനം ഇറങ്ങുന്നത്.