പരമ്പര സ്വന്തമാക്കാന്‍ ഇന്ത്യ; അവസാന ടി20 ഇന്ന്

ഇന്ത്യ- ഇംഗ്ലണ്ട് മൂന്നാം ടി20 വൈകിട്ട് 6.30ന്

ബ്രിസ്റ്റോള്‍: ഇന്ത്യ- ഇംഗ്ലണ്ട് ട്വന്‍റി 20 പരമ്പരയിലെ അവസാന മത്സരം ഇന്ന് ബ്രിസ്റ്റോളില്‍ നടക്കും. ഇന്ന് ജയിക്കുന്ന ടീമിന് പരമ്പര സ്വന്തമാക്കാം. ഇന്ത്യന്‍ സമയം വൈകിട്ട് 6.30നാണ് മത്സരം.ആദ്യ മത്സരം ഇന്ത്യ ജയിച്ചപ്പോള്‍ കാര്‍ഡിഫില്‍ ഇംഗ്ലണ്ട് തിരിച്ചടിച്ചിരുന്നു. ആദ്യ ടി20യില്‍ എട്ട് വിക്കറ്റിന് ഇന്ത്യയും രണ്ടാം മത്സരത്തില്‍ ഇംഗ്ലണ്ട് അഞ്ച് വിക്കറ്റിനും വിജയിച്ചു. പരിക്ക് ഭേദമായ ബെന്‍ സ്റ്റോക്ക്സ് ഇംഗ്ലണ്ട് നിരയില്‍ തിരിച്ചെത്തിയേക്കും. എന്നാല്‍ സുരേഷ് റെയ്നക്ക് പകരം ക്രുണാല്‍ പാണ്ഡ്യയെ ഇന്ത്യ ഉള്‍പ്പെടുത്താന്‍ സാധ്യതയുണ്ട്.