ഹൈദരാബാദ്: ഐപിഎല്ലില്‍ രാജസ്ഥാന്‍ റോയല്‍സിന്‍റെ ദക്ഷിണാഫ്രിക്കന്‍ വിക്കറ്റ് കീപ്പര്‍ ഹെന്‍റ്‌റിക് ക്ലാസന് റെക്കോര്‍ഡ്. ഒരു ഇന്നിംഗ്സില്‍ കൂടുതല്‍ ബാറ്റ്സ്മാന്‍മാരെ സ്റ്റംപ് ചെയ്ത താരമെന്ന നേട്ടമാണ് സണ്‍റൈസേഴ്സ് ഹൈദരാബാദിനെതിരായ മത്സരത്തില്‍ ക്ലാസന് സ്വന്തമാക്കിയത്. മൂന്ന് പേരെ സ്റ്റംപ് ചെയതപ്പോള്‍ ഒരു ക്യാച്ചും മത്സരത്തില്‍ ക്ലാസന് പേരിലാക്കി.
ഒന്‍പതാം ഓവറില്‍ ശ്രേയാസ് ഗോപാലിന്‍റെ പന്തിലാണ് ക്ലാസന് അപൂര്‍വ്വ നേട്ടം കുറിച്ചത്. പാര്‍ത്ഥീവ് പട്ടേല്‍, മന്‍ദീപ് സിംഗ്, എബിഡി എന്നിവരാണ് ക്ലാസന്‍റെ വേഗത്തിന് മുന്നില്‍ കീഴടങ്ങിയത്. ഇവരില്‍ എബിഡി 35 പന്തില്‍ 53 റണ്‍സെടുത്ത് മിന്നും ഫോമിലായിരുന്നു. എന്നാല്‍ ഒരു ഇന്നിംഗ്സില്‍ കൂടുതല്‍ പേരെ പുറത്താക്കിയ വിക്കറ്റ് കീപ്പര്‍ എന്ന റെക്കോര്‍ഡ് ബാംഗ്ലൂരിനെതിരെ ഡെക്കാന്‍ ചാര്‍ജേഴ്സിനായി അഞ്ച് പേരെ പുറത്താക്കിയ കുമാര്‍ സംഗക്കാരയുടെ പേരിലാണ്.