കൊച്ചി: സൂപ്പര്‍ താരം മാര്‍ക് സിഫ്‌നിയോസ് ക്ലബ് വിട്ടതോടെ പകരം താരത്തെയെത്തിക്കാന്‍ നെട്ടോട്ടമോടുകയാണ് കേരള ബ്ലാസ്റ്റേഴ്സ്. ബ്രസീലിയന്‍ സൂപ്പര്‍താരം നില്‍മര്‍ ബ്ലാസ്റ്റേഴ്സില്‍ എത്തുമെന്ന് റിപ്പോര്‍ട്ടുകള്‍ നേരത്തെ പുറത്തുവന്നിരുന്നു. അതേസമയം മുന്‍ താരം ആന്റോണിയോ ജര്‍മ്മന്‍ ബ്ലാസ്റ്റേഴ്സില്‍ കളിക്കാന്‍ ആഗ്രഹമുണ്ടെന്നറിയിച്ച് ട്വിറ്ററിലൂടെ രംഗത്തുവരികയും ചെയ്തു. ഐസ്‌ലന്‍ഡ് താരം ഗുഡ്‌ജോണ്‍ ബാല്‍ഡ് വിന്‍സണുമായി കേരള ബ്ലാസ്റ്റേഴ്സ് ചര്‍ച്ച നടത്തുന്നതായാണ് ഒടുവില്‍ പുറത്തുവരുന്ന വിവരം.