കോപ്പലാശാനെ തളയ്ക്കാന് മഞ്ഞപ്പട; സി.കെ വിനീത് ടീമില്
Synopsis
ജംഷഡ്പൂര്: ഐഎസ്എല്ലില് തുടര്ച്ചയായ മൂന്നാം എവേ ജയം തേടിയിറങ്ങുന്ന കേരള ബ്ലാസ്റ്റേഴ്സ് നിരയില് മലയാളി താരം സി.കെ വിനീതും. പരിക്കു മൂലം നാല് മത്സരങ്ങള് പുറത്തിരുന്ന ശേഷമാണ് വിനീത് ആദ്യ ഇലവനില് തിരിച്ചെത്തുന്നത്. ബ്ലാസ്റ്റേഴ്സ് മുന് പരിശീലകന് സ്റ്റീവ് കോപ്പല് പരിശീലിപ്പിക്കുന്ന ജംഷഡ്പൂര് എഫ്സിയാണ് എതിരാളികള്. ഗോള്കീപ്പറായി പോള് റെച്ച്ബൂക്ക മടങ്ങിയെത്തിയപ്പോള് ഇയാന് ഹ്യൂമിനെയും കെസിറോണ് കിസിറ്റോയും കറേജ് പെക്കൂസണെയും ടീമില് നിലനിര്ത്തി.
അതേസമയം ജെഷംഡ്പൂര് നിരയില് മലയാളി താരം അനസ് എടത്തൊടിക പകരക്കാരുടെ നിരയിലാണ്. ബ്രസീലില് നിന്ന് പുതുതായി ടീമിനൊപ്പം ചേര്ന്ന വെല്ലിംഗ്ടണ് പ്രയറി ജംഷഡ്പൂരിന്റെ ആദ്യ ഇലവനിലുണ്ട്. ബ്ലാസ്റ്റേഴ്സിന്റെ മുന്നേറ്റനിരയും ജംഷഡ്പൂരിന്റെ പ്രതിരോധനിരയും തമ്മിലുള്ള പോരാട്ടമാണ് ഇന്നത്തേത്. 10 കളിയില് 14 പോയിന്റുമായി നിലവില് ആറാം സ്ഥാനത്താണ് ബ്ലാസ്റ്റേഴ്സ്. ഇന്ന് ജയിച്ചാല് ബ്ലാസ്റ്റേഴ്സിന് മൂന്നാം സ്ഥാനത്തേക്ക് ഉയരാം.
10 പോയിന്റുള്ള ജംഷഡ്പൂര് നിലവില് എട്ടാം സ്ഥാനത്താണ്. ഇരുടീമുകളും കൊച്ചിയില് നേര്ക്കുനേര് വന്നപ്പോള് ഗോള്രഹിത സമനിലയായിരുന്നു ഫലം. ഡേവിഡ് ജയിംസ് പരിശീലകനായശേഷം മികച്ച പ്രകടനം നടത്തുന്ന ബ്ലാസ്റ്റേഴ്സ് കഴിഞ്ഞ മൂന്ന് മത്സരങ്ങളില് നിന്ന് ഏഴ് പോയിന്റ് നേടിയിട്ടുണ്ട്.
പോള് റെച്ച്ബൂക്ക, വെസ് ബ്രൗണ്, കരണ് സവ്നി, ഇയാന് ഹ്യൂം, മിലന് സിംങ്, സി.കെ വിനീത്, കെസിറോണ് കിസിറ്റോ, സന്ദേശ് ജിംങ്കാന്, സാമുവല് ഷദാബ്, ലാല്റുത്താര, കറേജ് പെക്കൂസണ്
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!