എം.എസ് ധോണി വീണ്ടും ചെന്നൈ സൂപ്പര് കിംഗ്സിലേക്ക്
Synopsis
മുംബൈ; മുന്ഇന്ത്യന് ക്രിക്കറ്റ് ടീം ക്യാപ്റ്റന് എം.എസ്.ധോണി ചെന്നൈ സൂപ്പര്കിംഗ്സിലേക്ക് തിരിച്ചെത്തിയേക്കും. ഐ.പി.എല്ലിന്റെ 2018 സീസണിലാവും ധോണി മഞ്ഞക്കുപ്പായത്തില് തിരിച്ചെത്തുക.
ഉടമകളുടെ പേരില് സുപ്രീംകോടതി അഴിമതിക്കുറ്റം ചുമത്തിയതിനെ തുടര്ന്ന് ചെന്നൈ സൂപ്പര്കിംഗ്സ്, രാജസ്ഥാന് റോയല്സ് ടീമുകള് ഐപിഎല്ലിന്റെ പോയ രണ്ടു സീസണുകളില് കളിച്ചിരുന്നില്ല. 2015-ല് നിരോധിക്കുമ്പോള് ടീമിലുണ്ടായിരുന്ന കളിക്കാരില് മൂന്ന് പേരെ തിരികെ വിളിക്കാനാണ് ബുധനാഴ്ച്ച ചേര്ന്ന ഐപിഎല് ഗവേര്ണിംഗ് കൗണ്സില് ഇരുടീമുകള്ക്കും അവസരം കൊടുത്തിട്ടുണ്ട്. ചെന്നൈയില് തിരിച്ചു വരാന് ആഗ്രഹിക്കുന്നതായി നേരത്തെ വ്യക്തമാക്കിയ ധോണിക്ക് ഇതോടെ അതിനുള്ള അവസരം ലഭിക്കും.
ഉടമകളുടെ പേരില് സുപ്രീംകോടതി അഴിമതിക്കുറ്റം ചുമത്തിയതിനെ തുടര്ന്ന് ചെന്നൈ സൂപ്പര്കിംഗ്സ്, രാജസ്ഥാന് റോയല്സ് ടീമുകള് ഐപിഎല്ലിന്റെ പോയ രണ്ടു സീസണുകളില് കളിച്ചിരുന്നില്ല.
2008-ല് ഐപിഎല് ആരംഭിക്കുമ്പോള് മുതല് ചെന്നൈ ടീമിലാണ് ധോണി കളിച്ചിരുന്നത്. ധോണിയുടെ നേതൃത്വത്തില് ചെന്നൈ രണ്ട് തവണ കീരിടം നേടുകയും നാല് തവണ ഫൈനലിലെത്തുകയും ചെയ്തിരുന്നു. ചെന്നൈ ടീമിനെ സസ്പെന്ഡ് ചെയ്തതിനെ തുടര്ന്ന് റൈസിംഗ് പൂണൈ സൂപ്പര്ഗിയന്റസിന് വേണ്ടിയാണ് പോയ രണ്ട് വര്ഷമായി ധോണി കളിച്ചു കൊണ്ടിരുന്നത്. ഇതിനിടയില് കഴിഞ്ഞ ജൂലൈയിലാണ് ചെന്നൈ, രാജസ്ഥാന് ടീമുകളെ തിരികെ വിളിക്കാന് ബിസിസിഐ തീരുമാനിച്ചത്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!