രാഹുലിന്റെ പുതിയ കൂട്ട് ബോളിവുഡ് സുന്ദരി
Synopsis
മിന്നുന്ന പ്രകടനമാണ് രാഹുല് ഐപിഎല്ലില് കാഴ്ചവെച്ചത്
മുംബെെ: ഐപിഎല് സീസണ് കഴിഞ്ഞതോടെ ഇന്ത്യന് താരങ്ങളെല്ലാം അവധിക്കാലം ആഘോഷിക്കുകയാണ്. കടുപ്പമേറിയ സീസണ് മുന്നിലുള്ളതിനാല് സുഹൃത്തുക്കള്ക്കൊപ്പവും കുടുംബത്തിനൊപ്പവും പരമാവധി സമയം ചെവഴിക്കാന് ശ്രമിക്കുകയാണ് എല്ലാവരും. എന്നാല്, ഇതിനിടെ ഇന്നലെ മുംബെെയിലെ ഒരു ഭക്ഷണശാലയില് ബോളിവുഡ് താരം നിഥി അഗര്വാളുമൊത്ത് എത്തിയ ഇന്ത്യന് താരം കെ.എല്. രാഹുലിന്റെ ചിത്രങ്ങളാണ് സാമൂഹ്യ മാധ്യമങ്ങളില് തരംഗമാകുന്നത്.
രാഹുലിന്റെ ഇന്സ്റ്റാഗ്രാമിലെ ഫാന് പേജില് ഇരുവരുമൊത്തുള്ള ചിത്രം ഷെയര് ചെയ്യുകയും ചെയ്തു. കഴിഞ്ഞ വര്ഷം പുറത്തിറങ്ങിയ മുന്ന മെെക്കല് എന്ന ചിത്രത്തിലൂടെയാണ് നിഥി ശ്രദ്ധേയയായത്. ഇക്കഴിഞ്ഞ ഐപിഎല് സീസണില് മിന്നുന്ന പ്രകടനമാണ് കിംഗ്സ് ഇലവന് പഞ്ചാബിന്റെ ഓപ്പണറായി രാഹുല് കാഴ്ചവെച്ചത്. 14 മത്സരങ്ങളില് 54.91 ശരാശരിയില് 659 റണ്സ് കര്ണാടക സ്വദേശിയായ രാഹുല് അടിച്ചു കൂട്ടി.
ടൂര്ണമെന്റിലെ ആദ്യ മത്സരത്തില് ഡെല്ഹി ഡെയര്ഡെവിള്സിനെതിരെ ഐപിഎല്ലിലെ വേഗമേറിയ അര്ധ സെഞ്ച്വറിയും രാഹുല് കുറിച്ചു. 16 പന്തില് 51 റണ്സ് നേടിയായിരുന്നു വെടിക്കെട്ട്. ഐപിഎല്ലിന് ശേഷമുള്ള ഇടവേള കഴിഞ്ഞ് ചരിത്രമാകാന് പോകുന്ന അഫ്ഗാനിസ്ഥാനെതിരെയുള്ള ടെസ്റ്റ് മത്സരത്തിലാണ് രാഹുല് ഇനി ഇന്ത്യക്കായി പാഡണിയുക. ജൂണ് 14 മുതല് ബംഗളൂരു ചിന്നസ്വാമി സ്റ്റേഡിയത്തിലാണ് മത്സരം.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!