സച്ചിന് സിനിമയ്ക്ക് ബിസിസിഐയുടെ ഇളവില്ല
Synopsis
മുംബൈ: സച്ചിന് സിനിമയ്ക്ക് ബിസിസിഐയുടെ ഇളവില്ല. സച്ചിന്റെ കരിയറിലെ നിര്ണായക ഇന്നിംഗ്സുകളുടെ ദൃശ്യങ്ങള് കുറഞ്ഞ നിരക്കില് നല്കണമെന്ന നിര്മ്മാതാക്കളുടെ അഭ്യര്ത്ഥന ബിസിസിഐ തള്ളി. ധോണിയുടെ ജീവിതം പ്രമേയമാക്കിയ സിനിമയുടെ നിര്മാതാക്കള് ഒരു കോടി രൂപ നല്കിയാണ് ദൃശ്യങ്ങള് വാങ്ങിയത്.
ഗാംഗുലിയും പണം നല്കി തന്റെ ഇന്നിംഗ്സുകളുടെ ദൃശ്യങ്ങള് വാങ്ങിയിട്ടണ്ട്. അപ്പോള് സച്ചിന് മാത്രമായി ഇളവ് നല്കാന് കഴിയില്ലെന്ന് ബിസിസിഐ വ്യക്തമാക്കി. എന്നാല് വാങ്കഡേയിലെ സച്ചിന്റെ വിടവാങ്ങല് പ്രസംഗത്തിന്റെ വീഡിയോ സൗജന്യമായി നല്കുമെന്നും ബിസിസിഐ അറിയിച്ചു.
പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന സച്ചിൻ സിനിമയായ സച്ചിൻ എ ബില്യണ് ഡ്രീംസിന്റെ ഒഫിഷ്യൽ ട്രെയ്ലർ പോയവാരം പുറത്തിറങ്ങിയിരുന്നു. സച്ചിൻ എന്ന വികാരം ഒന്നുകൂടി മനസിലേക്ക് ആഴ്ന്നിറങ്ങുന്നതാവും സിനിമയെന്ന് സൂചിപ്പിക്കുന്നതാണ് ട്രെയ്ലര്.
എ.ആർ റഹ്മാൻ സംഗീതം നൽകുന്ന ചിത്രം കാർണിവൽ മോഷൻ പിക്ചേഴ്സിന്റെ നേതൃത്വത്തിൽ മലയാളിയായ ശ്രീകാന്ത് ഭാസിയും രവിഭഗ്ചന്ദ്കയും ചേർന്നാണ് നിർമ്മിച്ചിരിക്കുന്നത്. ചിതം അടുത്തമാസം 26ന് പുറത്തിറങ്ങും.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!