ഫ്രഞ്ച് ഓപ്പൺ വനിതാ ഫൈനലിൽ സിമോണ ഹാലപ്പിന് നേട്ടം

ഫ്രഞ്ച് ഓപ്പൺ വനിതാ ഫൈനലിൽ ഹാലപ്പിന് നേട്ടം അമേരിക്കയുടെ സ്ലോയൻ സ്റ്റീഫൻസിനെ തോൽപിച്ചു

പാരീസ്: ​ഫ്രഞ്ച് ഓപ്പൺ ടെന്നിസ് വനിതാ സിം​ഗിൾസ് ​ഗ്രാൻഡ്  സ്ലാം കിരീടം ലോക ഒന്നാം നമ്പർ താരം സിമോണ ഹാലെപ്പ് നേടി.  ഫൈനലിൽ അമേരിക്കയുടെ സ്ലോയൻ സ്റ്റീഫൻസിനെ ഒന്നിനെതിരെ രണ്ട്  സെറ്റിന് പരാജയപ്പെടുത്തിയാണ് സിമോണയുടെ കിരീട നേട്ടം. മൂന്നാം ഫ്രഞ്ച് ഓപ്പൺ ഫൈനൽ കളിച്ച ഹാലപ്പിന്റെ ആദ്യ ​ഗ്രാൻഡ്സ്ലാം കിരീടമാണിത്.  സ്കോർ 3-6, 6-4, 6-1.

ഫ്രഞ്ച് ഓപ്പണ്‍ നിലവിലെ റണ്ണറപ്പാണ് ഹാലെപ്. സ്പാനിഷ് താരം ഗര്‍ബൈന്‍ മുഗുരുസയെ തോല്‍പ്പിച്ചാണ് ഹാലെപ് ഫൈനലില്‍ പ്രവേശിച്ചത്.  അമേരിക്കന്‍ താരം മാഡിസണ്‍ കീസിനെ നേരിട്ടുള്ള സെറ്റുകള്‍ക്ക് തകര്‍ത്താണ് സ്റ്റഫന്‍സ് കലാശപ്പോരാട്ടത്തിന് യോഗ്യത നേടിയത്. സ്‌കോര്‍ 6-4 6-4. നിലവിലെ യുഎസ് ഓപ്പണ്‍ ജേതാവാണ് സ്റ്റഫന്‍സ്.