നാലാം മത്സരത്തില് ലങ്കയെ നയിക്കാന് മൂന്നാമത്തെ ക്യാപ്റ്റന് വരുന്നു
Synopsis
കൊളംബോ: ഇന്ത്യക്കെതിരായ ഏകദിന പരമ്പരയിലെ നാലാം മത്സരത്തില് ലങ്കയ്ക്ക് പുതിയ നായകനെ കണ്ടെത്തേണ്ടിവരും. മൂന്നാം ഏകദിനത്തിനിടെ താല്ക്കാലിക ക്യാപ്റ്റന് ചമര കുപഗേദരയ്ക്കും പരിക്കേറ്റതോടെയാണ് ലങ്കയ്ക്ക് പുതിയ നായകനെ തേടേണ്ടിവരുന്നത്. മൂന്നാം മത്സരത്തിന് തൊട്ടുമുമ്പ് പരിക്കേറ്റ കപുഗേദരയെ ഉടന് പരിശോധനകള്ക്ക് വിധേയനാക്കിയെങ്കിലും കളിക്കാമെന്ന് ഡോക്ടര്മാര് നിര്ദേശിച്ചതിനെത്തുടര്ന്ന് മത്സരത്തിനിറങ്ങിയിരുന്നു. എന്നാല് മത്സരത്തിനിടെ പരിക്ക് വഷളയാതായാണ് റിപ്പോര്ട്ടുകള്.
31ന് നടക്കുന്ന നാലാം ഏകദിനത്തിനായി ലങ്കന് ടീം പരിശീലനത്തിനിറങ്ങിയെങ്കിലും കുപഗേദര ഇതുവരെ പരിശീലനത്തില് പങ്കെടുത്തിട്ടില്ല. കപരുഗേദര കളിക്കുമോ എന്നതിനെക്കുറിച്ച് നാളെ മാത്രമെ പറയാനാവൂവെന്ന് ലങ്കന് ടീം മാനേജര് വ്യക്തമാക്കി. ലങ്കന് നായകനായിരുന്ന ഉപുല് തരംഗയ്ക്ക് കുറഞ്ഞ ഓവര് നിരക്കിന്റെ പേരില് രണ്ട് മത്സര വിലക്ക് വന്നതിനെത്തുടര്ന്നാണ് കപുഗേദര ലങ്കയുടെ നായകനായത്.
കപുഗേദരയ്ക്ക് പുറമെ ഓപ്പണര് ഗുണതിലകയും പരിക്കേറ്റ് പുറത്തിരിക്കുകയാണ്. തരംഗയ്ക്ക് പകരം ടീമിലെത്തിയ ടെസ്റ്റ് നായകന് ദിനേശ് ചണ്ഡിമലും മൂന്നാം ഏകദിനത്തിനിടെ തള്ളവരിലിന് പരിക്കേറ്റിരുന്നു. ചണ്ിമല് പരമ്പരയിലെ ശേഷിക്കുന്ന മത്സരങ്ങളില് കളിക്കില്ലെന്ന കാര്യം ഉറപ്പായിട്ടുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!