ഇന്ത്യക്കാര് പുറത്ത്; ടെസ്റ്റ് റണ്വേട്ടയില് മുന്നില് സ്റ്റീവ് സ്മിത്ത്
Synopsis
ദില്ലി: ക്രിക്കറ്റില് ഇന്ത്യക്ക് വിജയ വര്ഷമായിരുന്നു 2017. പരമ്പര വിജയങ്ങളും വ്യക്തിഗത റെക്കോര്ഡുകളും കൊണ്ട് ടീം ക്രിക്കറ്റിനെ കീഴടക്കിയ വര്ഷം. എന്നാല് ഒരു റെക്കോര്ഡ് മാത്രം എത്തിപ്പിടിക്കാന് ഇന്ത്യന് താരങ്ങള്ക്കായില്ല. ടെസ്റ്റ് ക്രിക്കറ്റില് കൂടുതല് റണ്സ് നേടിയ താരമെന്ന നേട്ടം വിരാട് കോലിയെയും ചേതേശ്വര് പൂജാരയെയും മറികടന്ന് ഓസ്ട്രേലിയയുടെ സ്റ്റീവ് സ്മിത്ത് സ്വന്തമാക്കി.
പതിനൊന്ന് മത്സരങ്ങളില് നിന്ന് 76.76 ശരാശരിയില് 1305 റണ്സാണ് സ്മിത്ത് ഈ വര്ഷം ടെസ്റ്റില് അടിച്ചെടുത്തത്. ആറ് ശതകവും ഒരു ഇരട്ട സെഞ്ചുറിയും ഇതിലുള്പ്പെടുന്നു. അതേസമയം 1120 റണ്സുമായി ഇന്ത്യന് താരം ചേതേശ്വര് പൂജാരയാണ് റണ്വേട്ടയില് രണ്ടാം സ്ഥാനത്ത്. 1128 റണ്സുമായി ഡീന് എള്ഗര് മൂന്നാമതും 1053 റണ്സുമായി ഇന്ത്യന് നായകന് വിരാട് കോലി നാലാം സ്ഥാനത്തുമുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!