ഛേത്രിക്ക് ഹാട്രിക്; ബെംഗളൂരു സെമിയില്
Synopsis
സെമിയില് മോഹന് ബഗാനെ നേരിടും
ഭുവനേശ്വര്: സൂപ്പര് കപ്പില് സുനില് ഛേത്രിയുടെ ഹാട്രിക്കില് സെമിയുറപ്പിച്ച് ബെംഗളൂരു എഫ്സി. ക്വാര്ട്ടറില് ഒന്നിനെതിരെ മൂന്നു ഗോളുകള്ക്ക് നെറോക്ക എഫ്സിയെ പരാജയപ്പെടുത്തിയാണ് ബെംഗളുരു സെമിഫൈനലില് ഇടംനേടിയത്. പ്രീതം സിംഗ് നെറോക്കയുടെ ഏക ഗോള് മടക്കി. പതിനേഴിന് നടക്കുന്ന രണ്ടാം സെമിയില് മോഹന് ബഗാനാണ് ബെംഗളൂരുവിന്റെ ഏതിരാളികള്.
പതിമൂന്നാം മിനുറ്റില് സുനില് ഛേത്രിയുടെ ഗോളില് ബെംഗളൂരു മുന്നിലെത്തി. എന്നാല് ആദ്യ പകുതിക്ക് മുമ്പ് ഗോള്മടക്കി നെറോക്ക കരുത്തുകാട്ടി. രണ്ടാം പകുതിയില് 55-ാം മിനുറ്റില് വലകുലുക്കി ഛേത്രി വീണ്ടും നീലപ്പടയെ മുന്നിലെത്തിച്ചു. ഇഞ്ചുറി ടൈമില് മൂന്നാം ഗോളും നേടി ഛേത്രി ഹാട്രിക്കും ബെംഗളൂരുവിന്റെ സെമിയും ഉറപ്പിക്കുകയായിരുന്നു. ഏപ്രില് 20നാണ് സൂപ്പര് കപ്പ് ഫൈനല്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!