ചാമ്പ്യന്‍സ് ലീഗ്; ക്വാര്‍ട്ടര്‍ ലക്ഷ്യമിട്ട് പ്രമുഖര്‍ ഇന്നിറങ്ങുന്നു

മാ‌ഞ്ചസ്റ്റര്‍ യുണൈറ്റഡ്- സെവിയ  ബയേണ്‍ മ്യൂണിക്ക്- ബസിക്താസ് റോമ- ഷക്താര്‍ ഡോണസ്ക്

മാഞ്ചസ്റ്റര്‍: യുവേഫ ചാമ്പ്യന്‍സ് ലീഗ് ഫുട്ബോളില്‍ ക്വാര്‍ട്ടര്‍ ഫൈനല്‍ ലക്ഷ്യമിട്ട് പ്രമുഖ ടീമുകള്‍ ഇന്നിറങ്ങുന്നു. രണ്ടാംപാദ പ്രീക്വാര്‍ട്ടറില്‍ മാ‌ഞ്ചസ്റ്റര്‍ യുണൈറ്റഡ് സെവിയയെയും, ബയേണ്‍ മ്യൂണിക്ക് ബസിക്താസിനെയും, റോമ ഷക്താര്‍ ഡോണസ്കിനെയും നേരിടും. 

ആദ്യപാദത്തില്‍ യുണൈറ്റഡ്- സെവിയ മത്സരം ഗോള്‍രഹിത സമനിലയിലായിരുന്നു. സ്‌ട്രൈക്കര്‍ ആന്തണി മാര്‍ഷ്യാല്‍ പരുക്ക് മാറി തിരിച്ചെത്തുന്നത് യുണൈറ്റഡിന് കരുത്താവും. ബയേണിനെതിരെ ആദ്യ പാദത്തില്‍ അഞ്ച് ഗോള്‍ വഴങ്ങിയ ബസിക്താസിന് അത്ഭുതങ്ങള്‍ സംഭവിച്ചാലേ ക്വാര്‍ട്ടറില്‍ എത്താനാവൂ. റോമയ്ക്കെതിരെ ഒന്നിനെതിരെ രണ്ട് ഗോള്‍ ലീഡുമായാണ് ഷക്താര്‍ ഇറങ്ങുന്നത്.