ചൈനീസ് താരത്തെ ഇടിച്ച് വീഴ്ത്തി നേടിയ കിരീടം വേണ്ടെന്ന് വീജേന്ദര്
Synopsis
ഇന്ത്യ-ചൈന അതിര്ത്തിയില് ആഴ്ചകളായി തുടരുന്ന സംഘര്ഷം കുറയ്ക്കാന് ചൈനീസ് താരത്തെ ഇടിച്ച് വീഴ്ത്തി നേടിയ കിരീടം വേണ്ടെന്ന് വീജേന്ദര് സിംഗ്. ഈ കിരീടം എനിക്കു വേണ്ട, കാരണം അതിര്ത്തിയില് പ്രശ്നങ്ങള് താന് ആഗ്രഹിക്കുന്നില്ല' പ്രഫഷണല് ബോക്സിങ്ങില് ചൈനീസ് താരം സുല്പികര് മെയ്മെയ്തിയാലിയെ മലര്ത്തിയടിച്ച ശേഷം ഇന്ത്യന് താരം വിജേന്ദ്രര് സിങ്ങിന്റെ പ്രതികരണമാണിത്.
ഇരുരാജ്യങ്ങളും തമ്മില് സംഘര്ഷം നിലനില്ക്കെ നടന്ന റിങ്ങിലെ പോരാട്ടത്തെ ഇന്ത്യ-ശെചന പോരായാണ് വിലയിരുത്തിയത്. ഇതിനു പിന്നാലെ സമാധാനത്തിന്റെ ആഹ്വാനവുമായി വിജേന്ദറിന്റെ പ്രതികരണമെത്തി. ഈ കിരീടം തിരിച്ചു നല്കുന്ന നല്ല സന്ദേശം ചൈനയിലെ മാധ്യമങ്ങള്ക്കും ജനങ്ങള്ക്കും ലഭിക്കുമെന്നാണ് വിശ്വാസമെന്നും വിജേന്ദര് വ്യക്തമാക്കി.
വിജേന്ദറിന്റെ പ്രഫഷണല് ബോക്സിംഗിലെ ഒന്പതാം മത്സരത്തില് ചൈനീസ് എതിരാളിയെ 96-93, 95-94, 95-94 എന്നിങ്ങനെയാണ് റിങ്ങില് മലര്ത്തിയടിച്ചത്. ജയത്തോടെ വിജേന്ദര് മെയ്മെയ്തിയാലിയുടെ ഓറിയന്റല് സൂപ്പര് മിഡില്വെയ്റ്റ് കിരീടവും സ്വന്തമാക്കിയിരുന്നു. എട്ടാം റൗണ്ടില് മൂക്കില് നിന്ന്രക്തം വന്നെങ്കിലും വിജേന്ദര് പിന്മാറാതെ പോരാടിയാണ് ജയിച്ചത്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!