വീരന് വിനീത്; കാണാം ഗോവയെ വിറപ്പിച്ച ഗോള്
Synopsis
കൊച്ചി: ജവഹര്ലാല് നെഹ്റു സ്റ്റേഡിയത്തില് മഞ്ഞപ്പടയുടെ ആരവം ഉണര്ത്താന് മലയാളിതാരം സികെ വിനീത് വേണ്ടിവന്നു. ആറാം മിനുറ്റില് വലകുലുക്കി മഞ്ഞപ്പടയെ ഞെട്ടിച്ച ഗോവയ്ക്ക് തക്കമറുപടി നല്കുകയായിരുന്നു സികെ വിനീത്. 29-ാം മിനുറ്റില് സിയാം ഹങ്കലിന്റെ പാസില് നിന്ന് വിനീത് മഞ്ഞപ്പടയുടെ സമനില ഗോള് നേടി. പതിവുപോലെ മലയാളി താരം റിനോ ആന്റോയ്ക്കൊപ്പം വിനീത് ഗോളാഘോഷം പൂര്ത്തിയാക്കി
ഹങ്കലിന്റെ പാസ് അനായാസം ഗോവന് വലതുമൂലയിലേക്ക് വിനീത് പായിച്ചപ്പോള് കൊച്ചിയിലെ മഞ്ഞക്കടല് ഒരിക്കല് കൂടി തിരയാര്ത്തു. ഇയാന് ഹ്യൂമിനൊപ്പം മികച്ച മുന്നേറ്റങ്ങളിലൂടെ മത്സരത്തിലുടനീളം തകര്പ്പന് പ്രകടനമാണ് സികെ വിനീത് കാഴ്ച്ചവെക്കുന്നത്. ആദ്യ ഇലവനില് ഹ്യൂമിനൊപ്പം വിനീതിനെ കളിപ്പിച്ച ഡേവിഡ് ജെയിംസിന്റെ തീരുമാനം ശരിവെച്ചു മലയാളി താരം.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!